ବେଙ୍ଗାଲୁରୁ: ଜଣେ ନାଇଜେରିଆ ନାଗରିକ ସମେତ ଦୁଇ ଜଣଙ୍କୁ ଗିରଫ କରିଛି ବେଙ୍ଗାଲୁରୁ ପୋଲିସ । ଏମାନଙ୍କ ନିକଟରୁ 13.05 ଲକ୍ଷ ଟଙ୍କା ମୂଲ୍ୟର ଗଞ୍ଜେଇ, ହାସିଶ ତେଲ ସମେତ ଡ୍ରଗ୍ ଜବତ ହୋଇଛି ।
ଦକ୍ଷିଣ ଡେପୁଟି କମିଶନରଙ୍କ ସୂଚନା ଅନୁଯାୟୀ ବେଙ୍ଗାଲୁରୁ ସିଟି ପୋଲିସ 2.5 କିଲୋଗ୍ରାମ ଗଞ୍ଜେଇ, 20 ଗ୍ରାମ MDMA, 10 ଏକ୍ସଷ୍ଟାସି ବଟିକା ଏବଂ 530 ଗ୍ରାମ ହାସିଶ ତେଲ ଜବତ କରିଛି । ଜବତ ନିଶାଦ୍ରବ୍ୟର ଆନୁମାନିକ ମୂଲ୍ୟ 13.05 ଲକ୍ଷ ଟଙ୍କା ହୋଇଥିବା ଜଣାପଡିଛି ।
ଏହି ଘଟଣାରେ ଅଭିଯୁକ୍ତ ସାମସନ ଏବଂ ଜନକୁ ନିଶାନିବାରଣ ବିଭାଗ ଗରିଫ କରିଛି । ସୂଚନା ଅନୁଯାୟୀ ରବିବାର ସକାଳେ ହନୁମନ୍ତ ନଗର ପୋଲିସ ଷ୍ଟେସନ ଅଧୀନରେ ଥିବା ବିଏମଏସ ଇଞ୍ଜିନିୟରିଂ ହଷ୍ଟେଲ ନିକଟରେ ଏହି ଡ୍ରଗ୍ସକୁ ବିକ୍ରି କରିବାକୁ ଚେଷ୍ଟା କରୁଥିଲେ ଅଭିଯୁକ୍ତ ।
