ଲକ୍ଷ୍ନୌ: ଉତ୍ତର ପ୍ରଦେଶ ଗାଜୀପୁରରେ ଜନ୍ମ ନେଲା 3 ପାଦ ଥିବା ବିଚିତ୍ର ଶିଶୁ। ଜନ୍ମ ନେବା ପରେ ଶିଶୁକୁ ଦେଖିବା ପାଇଁ ଜମିଛି ଭିଡ । ବିରାନା ଥାନା ଅଞ୍ଚଳ ତିୟାରା ଗାଁରେ ଶିଶୁଟି ଜନ୍ମ ନେଇଛି। କିଛି ଲୋକ ଶିଶୁକୁ ଭଗବାନଙ୍କ ଅବତାର ବୋଲି ମଧ୍ୟ ବିଚାର କରି ପୁଜାପାଠ ଆରମ୍ଭ କରିଦେଇଥିବା ଦେଖିବାକୁ ମିଳିଛି।
ଗାଜିପୁର ଅଧିନ ତିୟାରା ଗ୍ରାମ ନିବାସୀ ବିବେକାନନ୍ଦ ଓ ପ୍ରିୟଙ୍କା ଦେବୀ ଏହି ଶିଶୁପୁତ୍ରକୁ ଜନ୍ମ ଦେଇଥିବା ଜଣା ପଡିଛି । ଦମ୍ପତିଙ୍କ ଏହି ଶିଶୁଟି ଦ୍ବିତୀୟ ସନ୍ତାନ ବୋଲି ଜଣା ପଡିଛି। ଶିଶୁଟି ଜନ୍ମ ହେବା ପରେ ତାର 3 ଟି ପାଦ ଥିବା ଜଣା ପଡିଥିଲା । ଏହି ପ୍ରକାର ଶିଶୁ ଅଧିକ ଦିନ ଜୀବିତ ରହିପାରିବେ ନାହିଁ ବୋଲି କିଛି ମତ ଦେଉଥିବା ବେଳେ ଆଉ କିଛି ଶିଶୁଟିର ଅସ୍ତ୍ରୋପଚାର କରିବା ନିହାତି ଆବଶ୍ୟକ ବୋଲି ମଧ୍ୟ କହୁଛନ୍ତି । ଶିଶୁର ପିତା ଶ୍ରମିକ ଶ୍ରେଣୀର ହୋଇଥିବାରୁ ଚିକିତ୍ସା ପାଇଁ ପର୍ଯ୍ୟାପ୍ତ ଅର୍ଥ ନାହିଁ। ତେବେ କିଛି ସହୃଦୟ ବ୍ୟକ୍ତି ଆର୍ଥିକ ସହାୟତାର ହାତ ବଢାଇଥିବା ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
