)
ଲକ୍ଷ୍ନୌ: ରାତି ପାହିଲେ ହେବ ଅଯୋଧ୍ୟା ଭୂମି ପୂଜନ। ସେନେଇ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ନବ ବଧୂ ବେଶରେ ସଜେଇ ହୋଇଛି ସମଗ୍ର ଅଯୋଧ୍ୟା ନଗରୀ । କୋରୋନା କଟକଣାକୁ ନଜରରେ ରଖି ସମସ୍ତ ପଦକ୍ଷେପ ଗ୍ରହଣ କରାଯାଉଛି । ଯେପରି କୌଣସି ଅପ୍ରିତିକର ପରିସ୍ଥିତି ଯେପରି ସୃଷ୍ଟି ନହୁଏ ସେନେଇ ଘଟଣାସ୍ଥଳରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି।
ତେବେ ଭୂମି ପୂଜନ ପାଇଁ 400 କ୍ବିଣ୍ଟାଲ ଫୁଲରେ ସଜା ଯାଇଛି ସମଗ୍ର ପୂଜା ମଣ୍ଡପ । ଏନେଇ ସାଜସଜ୍ଜା ପାଇଁ ଅନ୍ୟାନ୍ୟ ଫୁଲ ଆସିଥିବାବେଳେ, ପୂଜା ପାଇଁ ବେଙ୍ଗାଲୁରୁରୁ ସ୍ବତନ୍ତ୍ର ନୀଳ ଅପରାଜିତା ଓ ବିଷ୍ଣୁକାନ୍ତା ଫୁଲ ଏହି ପବିତ୍ର ନଗରୀକୁ ଅଣାଯାଇଛି ।
ଅନ୍ୟପଟେ ଅଯୋଧ୍ୟାରେ 'ରାମାର୍ଚ୍ଚନ ପୂଜା' ଆରମ୍ଭ ହୋଇଯାଇଛି। ସମସ୍ତ ପ୍ରମୁଖ ଦେବାଦେବୀଙ୍କୁ ନିମନ୍ତ୍ରଣ କରିବା ପାଇଁ ଏକ ପୂଜା କରାଯାଉଛି । ଏଥିରେ ସାଧୁ ସନ୍ଥ ଓ ପୁରୋହିତ ମାନେ ରହି ମନ୍ତ୍ରୋଚାରଣ କରୁଛନ୍ତି । ବିଭିନ୍ନ ରଙ୍ଗର ମୁରୁଜରେ ପୂଜା ମଣ୍ଡପ ସଜାଯାଇଛି । ଆଉ ଏଇ ସମୟରେ ସମସ୍ତେ ସାମାଜିକ ଦୂରତା ମାନି ପୂଜା କରୁଥିବା ଦେଖିବାକୁ ମିଳିଛି ।
ତେବେ ଏହି ପୂଜା 'ରାମାର୍ଚ୍ଚନ ପୂଜା' ଚାରୋଟି ପର୍ଯ୍ୟାୟରେ ହେବ । ପ୍ରଥମ ପର୍ଯ୍ୟାୟରେ ଭଗବାନ ରାମଙ୍କ ବ୍ୟତୀତ ଅନ୍ୟ ଦେବତାମାନଙ୍କୁ ପୂଜା କରାଯିବ। ଦ୍ୱିତୀୟ ପର୍ଯ୍ୟାୟରେ, ନଳ, ନୀଳ, ସୁଗ୍ରିବ ଓ ଅଯୋଧ୍ୟାଙ୍କୁ ପୂଜା କରାଯିବ । ଏନେଇ ପୁରୋହିତ ସତ୍ୟନାରାୟଣ ଦାସ ସୂଚାନ ଦେଇଛନ୍ତି ।
