ମିରଟ: ନାଗରିକତ୍ୱ ସଂଶୋଧନ ଆଇନ (ସିଏଏ)କୁ ନେଇ ସମଗ୍ର ଦେଶରେ ବିରୋଧ ପ୍ରଦର୍ଶନ ଜାରି ରହିଛି । ଅନେର ଧନଜୀବନ ହାନୀ ହେବା ସହ ଦେଶର ଅନେକ ରାଜ୍ୟ ପ୍ରବଳ ପ୍ରଭାବିତ ହୋଇଛି। ବିଭିନ୍ନ ସ୍ଥାନରେ ପୋଡ଼ାଜଳା, ହିଂସାକାଣ୍ଡ ଭିତରେ ଏବେ ମିରଟ ପୋଲିସ ଦୁଇଟି ଭିଡିଓ ଜାରି କରିଛି । 20 ଡିସେମ୍ବରରେ ସିଏଏକୁ ନେଇ ବିକ୍ଷୋଭ ପ୍ରଦର୍ଶନ ସମୟର ଏହି ଭିଡିଓ ଜାରି କରି ପୋଲିସ କହିଛି ଯେ କିଛି ଉପଦ୍ରବକାରୀ ପୋଲିସକୁ ଜୀଅନ୍ତା ଜାଳି ଦେବା ପାଇଁ ପ୍ରୟାସ କରିଥିଲେ । ଏହାସହ ଅନ୍ୟ ଏକ ଭିଡିଓରେ ବିକ୍ଷୋଭକାରୀ ମାନେ ସାଧାରଣ ସମ୍ପତ୍ତିକୁ ନଷ୍ଟ କରୁଥିବା ଭିଡିଓ ପୋଲିସ ଜାରି କରିଛି ।ଏହି ଦୁଇଟି ଭିଡିଓ ଲିସାଡିଗେଟର ବୋଲି କୁହାଯାଉଛି ।
ମିରଟ ଏସଏସପି ଏହି ଦୁଇଟି ଭିଡିଓ ଜାରି କରି କୁହାଯାଇଛି ଯେ, ବିକ୍ଷୋଭ ପ୍ରଦର୍ଶନ ସମୟରେ ପ୍ରଦର୍ଶନକାରୀଙ୍କ ଠାରୁ ନିଜକୁ ବଞ୍ଚାଇବା ପାଇଁ ପୋଲିସ ଗୋଟିଏ ଘରେ ପଶି ଯାଇଥିଲେ । ଏହି ସମୟରେ ପୋଲିସକୁ ଜୀଅନ୍ତା ଜାଳିବା ପାଇଁ ପ୍ରୟାସ କରିଥିଲେ ଉପଦ୍ରବକାରୀ । ଭିଡିଓରେ କିଛି ପୋଲିସ କର୍ମୀ ନିଆଁରୁ କିଭଳି ନିଜକୁ ବଞ୍ଚାଇଛନ୍ତି ତାହା ଦେଖିବାକୁ ମିଳୁଛି ।
ସେହପରି ଅନ୍ୟ ଏକ ଭିଡିଓରେ ଏକ ବଡ ସଂଖ୍ୟାରେ ପୋଲିସ କର୍ମୀ ଏକ ଦୋକାନର ସଟରରୁ ବାହରକୁ ବାହାରୁଥିବାର ଦେଖିବାକୁ ମିଳଛି । ପୋଲିସ ଅଧିକାରୀଙ୍କ କହିବା ମୁତାବକ ଯେତେବେଳେ ଅତିରିକ୍ତ ପୋଲିସ ବାହିନୀ ସୂଚନା ପାଇଁ ଘଟଣାସ୍ଥଳରେ ପହଞ୍ଚିବା ପରେ ନିଆଁ କବଳରେ ଥିବା ପୋଲିସ କର୍ମୀଙ୍କୁ ସୁରକ୍ଷିତ ବାହାରକୁ ବାହାର କରାଯାଇଥିଲା ।
ସିଟି ଏସପି ଅଖିଳେଶ ନାରାୟଣ ସିଂହ କହିଛନ୍ତି ଯେ, ଦୋକାନ ଘରେ ପାଖାପାଖି 30ରୁ 35 ପୋଲିସ କର୍ମୀ ଥିଲେ । ଏମାନଙ୍କୁ ବିକ୍ଷୋଭକାରୀ ମାନେ ଜୀଅନ୍ତା ଜାଳିବା ପାଇଁ ପ୍ରୟାସ କରିଥିଲେ । ଉପଦ୍ରବକାରୀ ମାନେ ପୋଲିସକର୍ମୀଙ୍କୁ ଜାଳି ମାରିବା ପାଇଁ ପୂର୍ବପ୍ରସ୍ତୁତି ଯୋଜନା କରିଥିଲେ । ଯାଞ୍ଚ ପରେ ଘଟଣାରେ ସମ୍ପୃକ୍ତ ସମସ୍ତ ଦୋଷୀଙ୍କୁ ଗିରଫ କରାଯିବ ବୋଲି କହିଛନ୍ତି ଏପସି ଅଖିଳେଶ ନାରାୟଣ ସିଂହ ।
