ଗୌହାଟୀ: ଆସାମର କରିମଗଞ୍ଜ ଜିଲ୍ଲାରେ ଅଜଣା ରୋଗର ଆତଙ୍କ । ଥଣ୍ଡା, କାଶ ଓ ମୁଣ୍ଡ ବିନ୍ଧା କାରଣରୁ ପ୍ରାଣ ହରାଇଛନ୍ତି 7 ଶିଶୁ । ଯାହାକୁ ନେଇ ସମଗ୍ର ଅଞ୍ଚଳରେ ଆତଙ୍କ ଖେଳି ଯାଇଛି । ଗତ କିଛି ଦିନ ତଳେ ବାଜାରଗେଟ ଅଞ୍ଚଳରେ ଅଜଣା ରୋଗରେ 30 ଜଣ ଶିଶୁ ପ୍ରାଣ ହରାଇଥିଲେ । ପୁନର୍ବାର ସେହି ଘଟଣାକୁ ନେଇ ଚାଞ୍ଚଲ୍ୟ ଖେଳି ଯାଇଛି ।
ତେବେ ପ୍ରଥମେ ପ୍ରଥମେ ଏହାକୁ କୋରୋନା ଭାଇରସ(କନଭିଡ୍ -19) ଯୋଗୁଁ ଏଭଳି ଘଟୁଥିବା ସନ୍ଦେହ କରାଯାଉଥିଲା । ହେଲେ ଡାକ୍ତର ଏଥିରେ କୋରୋନା ଭାଇରସର କୌଣସି ଲକ୍ଷଣ ନଥିବା ସ୍ପଷ୍ଟ କରିଛନ୍ତି । ଏନେଇ ମଙ୍ଗଳବାର ଏକ ଡାକ୍ତରୀ ଦଳ ଘଟଣାସ୍ଥଳକୁ ପରିଦର୍ଶନରେ ଯାଇ ସ୍ଥିତି ପରଖିଥିଲେ । ଆକ୍ରାନ୍ତ ଶିଶୁଙ୍କୁ ଚିକିତ୍ସା କରାଇଥିଲେ । ଜିବାଣୁ ସଂକ୍ରମଣ ଫଳରେ ଏପରି ହୋଇଥିବା ଡାକ୍ତର କହିଛନ୍ତି । ଏହାସହ ଡାକ୍ତର ଆହୁରି କହିଛନ୍ତି, ଏହି ଅଞ୍ଚଳରେ ଲୋକଙ୍କୁ ସ୍ବାସ୍ଥ୍ୟ ସମ୍ପର୍କରେ ସଚେତନ କରିବା ଆବଶ୍ୟକ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
