ଗୌହାଟୀ: ସିଲଚର ମେଡିକାଲ କଲେଜ ଏବଂ ହସ୍ପିଟାଲର କୋଭିଡ୍-19 ୱାର୍ଡର ଡାକ୍ତର ଏବଂ ରୋଗୀମାନେ ରବିବାର ଦିନ କାର୍ଗିଲ ବିଜୟ ଦିବସ ପାଳନ କରିଛନ୍ତି। ଯାହାକି ଦେଶବ୍ୟାପୀ ଚର୍ଚ୍ଚା ପାଲଟିଛି।
ସିଲଚର୍ ଡାକ୍ତରଖାନାରେ ଡାକ୍ତରଙ୍କ ସହିତ ରୋଗୀ ପାଳିଲେ ବିଜୟ ଦିବସ
ସେମାନେ ମିଳିତ ଭାବରେ 1997 ଚଳଚ୍ଚିତ୍ର 'ବର୍ଡର' ଫିଲ୍ମର ସନ୍ଦେଶେ ଆତେ ହେଁ... ପରି ଅନେକ ବଲିଉଡ୍ ଦେଶପ୍ରେମୀ ଗୀତର ତାଳେ ତାଳେ ନାଚିଥିଲେ। ହସପିଟାଲ୍ ପରିସର କାର୍ଗିଲ୍ ବିଜୟର ସ୍ମୃତିରେ ଝୁମି ଉଠିଥିଲା।
ଭାରତୀୟ ସଶସ୍ତ୍ର ବାହିନୀ ଜୁଲାଇ 26, 1999 ରେ କାର୍ଗିଲରେ ପାକିସ୍ତାନକୁ ପରାସ୍ତ କରିଥିଲା। ସେହି ଦିନଠାରୁ ଅପରେସନ୍ ବିଜୟ ରେ ଭାଗ ନେଇଥିବା ସୈନିକମାନଙ୍କର ଗର୍ବ ଏବଂ ବୀରତ୍ୱକୁ ପୁନଃଜାଗ୍ରତ କରିବା ପାଇଁ ଏହି ଦିନକୁ କାର୍ଗିଲ ବିଜୟ ଦିବସ ଭାବରେ ପାଳନ କରାଯାଏ।
