ହାଇଦ୍ରାବାଦ: ନାଗରିକତା ସଂଶୋଧନ ଆଇନକୁ ନେଇ ଦେଶରେ ଚାଲିଥିବା ବିରୋଧାଭାସ ଜାରି ରହିଛି। ବୁଧବାର ଏପ୍ରସଙ୍ଗରେ ହାଇଦ୍ରାବାଦ ସାଂସଦ ତଥା ଅଲ ଇଣ୍ଡିଆ ମଜଲିସ ଇତ୍ତେହାଦୁଲ ମୁସଲିମିନ(ଏଆଇଏମଆଇଏମ) ମୁଖ୍ୟ ଅସାଉଦ୍ଦିନ ଓୱେସୀ ତେଲେଙ୍ଗାନା ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିଛନ୍ତି। ସାକ୍ଷାତକାର ପରେ ଓୱେସୀ କହିଛନ୍ତି ବର୍ତ୍ତମାନ ଦେଶର ସ୍ଥିତିକୁ ନେଇ କେସିଆର ଚିନ୍ତିତ ଅଛନ୍ତି।
ଏହାସହ ସେ କହିଛନ୍ତି ସିଏଏକୁ ନେଇ 27ରେ ନିଜାମାବାଦରେ ଏକ ସର୍ବଦଳୀୟ ବିରୋଧୀ ବୈଠକ ଆୟୋଜନ କରାଯିବ। ଯେଉଁଥିରେ କେସିଆର ଯୋଗଦେବାକୁ ସହମତି ଦେଇଛନ୍ତି ବୋଲି କହିଛନ୍ତି। ସିଏଏକୁ ବିରୋଧ କରୁଥିବା ରାଜନୈତିକ ଦଳଙ୍କ ସହ କେସିଆର ଆଲୋଚନା କରିବେ।
