ନାଗରିକତ୍ବ ସଂଶୋଧନ ବିଲକୁ ଦଳ ଭିତରୁ ବିରୋଧ

ସିଟିଜେନସିପ୍‌ ଆମେଣ୍ଡମେଣ୍ଟ ବିଲ୍‌ ବା ନାଗରିକତ୍ବ ସଂଶୋଧନ ବିଲ ପାସ ହେବାକୁ ନେଇ ଜାରି ରହିଛି ଜୋରଦାର ହଙ୍ଗାମା । ପ୍ରଥମେ ବିରୋଧୀ ଦଳ ଏବଂ କେନ୍ଦ୍ରରେ କ୍ଷମତାସୀନ ଏନଡିଏର ସହଯୋଗୀ ଦଳ ଏହାର ବିରୋଧ କରୁଥିଲେ। ଏବେ ଦଳ ଭିତରୁ ବିରୋଧ କରାଯାଉଥିବା ଦେଖିବାକୁ ମିଳିଛି। ଯାହାକୁ ନେଇ ଅଠାକାଠିରେ ପଡିଛନ୍ତି ମୋଦି ସରକାର।

ଇଟାନଗର: ନାଗରିକତ୍ବ ସଂଶୋଧନ ବିଲକୁ ନେଇ ସାରା ଦେଶରେ ବିରୋଧ । ଯାହାକୁ ନେଇ ଏବେ ଅଠାକାଠିରେ ପଡିଛି ବିଜେପି ସରକାର। ଏମିତିକି ସହଯୋଗୀଙ୍କ ପରେ ନିଜ ଦଳରୁ ଏହାକୁ ବିରୋଧ କରାଯାଇଛି। ରାଜ୍ୟସଭାରେ ଏହି ବିଲକୁ ଉପସ୍ଥାପନ ନକରିବାକୁ ଗୃହମନ୍ତ୍ରୀଙ୍କୁ ଅନୁରୋଧ କରିଛନ୍ତି ଅରୁଣାଚଳ ପ୍ରଦେଶ ଓ ମଣିପୁର ମୁଖ୍ୟମନ୍ତ୍ରୀ।

ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ପ୍ରେମାଖାଣ୍ଡୁ ଓ ମଣିପୁର ମୁଖ୍ୟମନ୍ତ୍ରୀ ଏନ. ବିରେନି ସିଂହ ଗୃହମନ୍ତ୍ରୀ ରାଜନାଥ ସିଂହଙ୍କୁ ଭେଟିଥିଲେ। ଏହି ବିଲ ଆଇନରେ ପରିଣତ ହେଲେ ଉତ୍ତର-ପୂର୍ବ ରାଜ୍ୟରେ ଦଳ ଓ ସରକାର ପାଇଁ ଅଡୁଆ ପରିସ୍ଥିତି ସୃଷ୍ଟି ହେବ ବୋଲି କହିଛନ୍ତି। ଲୋକସଭାରେ ଏହି ବିଲ ପାସ ହୋଇଯାଇଛି। ରାଜ୍ୟସଭାରେ ଏହି ବିଲ ପାସ ହେଲେ ଆଇନରେ ପରିଣତ ହେବ।

ଆସାମର ବିଶିଷ୍ଟ ସଙ୍ଗୀତକାର ଭୁପେନ ହାଜାରିକା ଚଳିତ ବର୍ଷ ଭାରତ ରତ୍ନ ପାଇବେ ବୋଲି କେନ୍ଦ୍ର ସରକାର ଘୋଷଣା କରିଛନ୍ତି। ହେଲେ ତାଙ୍କ ପୁଅ ତେଜ ହଜାରିକା ମଧ୍ୟ ଏହି ବିଲକୁ ବିରୋଧ କରିଛନ୍ତି।

• Manipur: Section-144 imposed in Imphal East District till 12 February 2019 until further orders due to "situation arising out of intense agitation launched by various Civil Society Organisations against the passing of Citizenship Amendment Bill, 2016 in the Lok Sabha." pic.twitter.com/4Qtzv48YnW

  — ANI (@ANI) February 11, 2019 " class="align-text-top noRightClick twitterSection" data="

  Manipur: Section-144 imposed in Imphal East District till 12 February 2019 until further orders due to "situation arising out of intense agitation launched by various Civil Society Organisations against the passing of Citizenship Amendment Bill, 2016 in the Lok Sabha." pic.twitter.com/4Qtzv48YnW

  — ANI (@ANI) February 11, 2019

  ">

  Manipur: Section-144 imposed in Imphal East District till 12 February 2019 until further orders due to "situation arising out of intense agitation launched by various Civil Society Organisations against the passing of Citizenship Amendment Bill, 2016 in the Lok Sabha." pic.twitter.com/4Qtzv48YnW

  — ANI (@ANI) February 11, 2019

ଏହି ବିଲକୁ ଉତ୍ତର-ପୂର୍ବ ରାଜ୍ୟରେ କଂଗ୍ରେସ ସମେତ ଅନେକ ସାମାଜିକ ସଙ୍ଗଠନ ବିରୋଧ କରୁଛନ୍ତି। ଯାହାକୁ ନେଇ ଆସାମ, ଅରୁଣାଚଳ ପ୍ରଦେଶ, ମଣିପୁର ଇତ୍ୟାଦି ରାଜ୍ୟରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି। ଏହି ସମସ୍ତ ରାଜ୍ୟରେ ବିଜେପି ସରକାର ରହିଛି। ଯଦି ଏହି ବିଲ ରାଜ୍ୟସଭାରେ ପାସ ହୁଏ ତାହେଲେ ଚଳିତ ବର୍ଷ ହେବାକୁ ଥିବା ଲୋକସଭା ନିର୍ବାଚନରେ ଏହାର ପ୍ରଭାବ ପଡିବା ସମ୍ଭାବନାକୁ ଏଡାଇ ଦିଆଯାଇ ନପାରେ।