ଜରୁରୀକାଳୀନ ଅବତରଣ କଲା ବାୟୁସେନା ହେଲିକପ୍ଟର

ବାୟୁସେନାର ଉନ୍ନତ ହେଲିକପ୍ଟର ଧ୍ରୁବ ପୂର୍ବ ଲଦାଖ କ୍ଷେତ୍ରରେ ଜରୁରୀକାଳୀନ ଅବତରଣ କରିଥିବା ଜଣାପଡିଛି ।

ଶ୍ରୀନଗର: ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ଭାରତୀୟ ସେନାର ହେଲିକପ୍ଟର । ବାୟୁସେନାର ଉନ୍ନତ ହେଲିକପ୍ଟର ଧ୍ରୁବ ପୂର୍ବ ଲଦାଖ କ୍ଷେତ୍ରରେ ଜରୁରୀକାଳୀନ ଅବତରଣ କରିଥିବା ଜଣାପଡିଛି । ତେବେ ଯାତ୍ରୀ ଏବଂ ଚାଳକ ଉଭୟ ସୁରକ୍ଷିତ ଥିବା ଭାରତୀୟ ସେନା ସୂତ୍ରରୁ ପ୍ରକାଶ ପାଇଛି ।

ହେଲିକପ୍ଟରଟି ପୂର୍ବ ଲଦାଖ କ୍ଷେତ୍ର ଦେଇଯାଉଥିବା ସମୟରେ ହଠାତ ଯାନ୍ତ୍ରିକ ତୃଟି ଦେଖାଦେଇଥିଲା । ଏହାପରେ ପାଇଲଟ ଜଣକ ସାବଧାନତା ଅବଲମ୍ବନ କରି ଜରୁରୀକାଳୀନ ଅବତରଣ କରିଥିଲେ । ତେବେ ପୂର୍ବ ଲଦାଖରେ ଭାରତ-ଚୀନ ସୀମା ମଧ୍ୟରେ ଜାରି ରହିଥିବା ଉତ୍ତେଜନା ମଧ୍ୟରେ ଏଭଳି ଦୁର୍ଘଟଣା ସେନା ପାଇଁ ଚିନ୍ତାର ବିଷୟ ପାଲଟିଛି ।