ଗାନ୍ଧିନଗର: ସରକାରୀ ପଦବୀ ପାଇଁ ମନୋନୀତ ହୋଇଥିବା ସମସ୍ତ ପ୍ରାର୍ଥୀଙ୍କୁ ତୁରନ୍ତ ନିଯୁକ୍ତି ପତ୍ର ଦିଆଯିବ ଏବଂ ଖୁବ୍ ଶୀଘ୍ର ଖାଲି ପଦବୀ ପାଇଁ ନୂତନ ନିଯୁକ୍ତି ଘୋଷଣା କରାଯିବ ବୋଲି ଗୁଜୁରାଟର ମୁଖ୍ୟମନ୍ତ୍ରୀ ବିଜୟ ରୁପାନି ଶନିବାର ଘୋଷଣା କରିଛନ୍ତି ।
ସେ କହିଛନ୍ତି, ଆସନ୍ତା 5 ମାସ ମଧ୍ୟରେ ରାଜ୍ୟରେ 20,000ରୁ ଅଧିକ ସରକାରୀ ନିଯୁକ୍ତି ଦିଆଯିବ। ଗୁଜୁରାଟ ହାଇକୋର୍ଟରେ ବିଚାରାଧୀନ ମାମଲା ହେତୁ ଏପର୍ଯ୍ୟନ୍ତ ଅଟକି ରହିଥିବା ନିଯୁକ୍ତି ପ୍ରକ୍ରିୟା ଆରମ୍ଭ କରିବାକୁ ରୁପାନି ସରକାରୀ ନିଯୁକ୍ତି ଏଜେନ୍ସିଗୁଡ଼ିକୁ କହିଛନ୍ତି ।
କୋରୋନା ମହାମାରୀ କାରଣରୁ ପୂର୍ବରୁ ଘୋଷଣା କରାଯାଇଥିବା ପଦବୀ ପାଇଁ ନିଯୁକ୍ତି ପରୀକ୍ଷା ଅନୁଷ୍ଠିତ ହେବ । ମହାମାରୀ ପୂର୍ବରୁ 9,650 ସରକାରୀ ପଦବୀ ପାଇଁ ନିଯୁକ୍ତି ଘୋଷଣା କରାଯାଇଥିଲା । ଏଥିପାଇଁ ନିଯୁକ୍ତି ପ୍ରକ୍ରିୟା ମଧ୍ୟ ଜାନୁୟାରୀ 2021ରୁ ଆରମ୍ଭ ହେବ ବୋଲି ରୁପାନି ଶନିବାର କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
