ଭୋପାଲ: ରାଜସ୍ଥାନ ରାଜନୈତିକ ସଙ୍କଟ ମଧ୍ୟରେ ମଧ୍ୟପ୍ରଦେଶରେ କଂଗ୍ରେସର ମୂଳତ୍ପାଟନ ହେବାରେ ଲାଗିଛି । କଂଗ୍ରେସର ବିଧାୟକଙ୍କ ସଂଖ୍ୟା କ୍ରମଶଃ କମିବାରେ ଲାଗିଛି । ଜଣକ ପରେ ଜଣେ ବିଧାୟକ ମଧ୍ୟପ୍ରଦେଶରେ କଂଗ୍ରେସର ହାତ ଛାଡୁଛନ୍ତି । ବିଧାୟକ ପ୍ରଦ୍ୟୁମ୍ନ ସିଂ ଲୋଧିଙ୍କ ଇସ୍ତଫା ଦେବାର କିଛି ଦିନ ପରେ କଂଗ୍ରେସ ବିଧାୟିକା ସୁମିତ୍ରା ଦେବୀ କାସଡେକର ଶୁକ୍ରବାର ବିଧାନସଭାରୁ ଇସ୍ତଫା ଦେଇ ବିଜେପିରେ ସାମିଲ ହୋଇଛନ୍ତି । ତେବେ ସୁମିତ୍ରାଙ୍କ ଏହି ନିଷ୍ପତ୍ତିକୁ ସ୍ବାଗତ କରିଛନ୍ତି ମଧ୍ୟପ୍ରଦେଶର ବିଜେପି ରାଜ୍ୟସଭା ସାଂସଦ ଜ୍ୟୋତିରାଦିତ୍ୟ ସିନ୍ଧିଆ । ଏହା ସହିତ ସେ ସୁମିତ୍ରାଙ୍କୁ ବିଜେପି ପରିବାରରେ ସ୍ବାଗତ କରିଛନ୍ତି ।
ସୁମିତ୍ରା କାସଡେକର ଶୁକ୍ରବାର ଇସ୍ତଫା ଦେବା ପରେ ତୁରନ୍ତ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନଙ୍କୁ ଭେଟିଥିଲେ ଏବଂ ବିଜେପିରେ ସାମିଲ ହୋଇଥିଲେ ।
ତେବେ ଏନେଇ ସିନ୍ଧିଆ ଟ୍ବିଟ କରି କହିଛନ୍ତି, ସୁମିତ୍ରା କାସଡେକରଙ୍କୁ ବିଜେପି ପରିବାରରେ ସ୍ୱାଗତ କରୁଛି। ରାଜ୍ୟର ସ୍ୱାର୍ଥ ଦୃଷ୍ଟିରୁ ଅନ୍ୟ ଜଣେ ବିଧାୟକ ଠିକ୍ ନିଷ୍ପତ୍ତି ନେଇଛନ୍ତି ବୋଲି ସେ କହିଛନ୍ତି । ମଧ୍ୟପ୍ରଦେଶରେ କଂଗ୍ରେସ ବିଧାୟକ ଦଳ ଛାଡି ଠିକ ନିଷ୍ପତ୍ତି ନେଉଛନ୍ତି ବୋଲି ସିନ୍ଧିଆ କହିଛନ୍ତି ।
ଏହାପୂର୍ବରୁ, 22 ଜଣ କଂଗ୍ରେସ ବିଧାୟକ ଦଳର ସଦସ୍ୟତାରୁ ଇସ୍ତଫା ଦେଇ ବିଜେପିରେ ଯୋଗ ଦେଇ ରାଜ୍ୟରେ କଂଗ୍ରେସ ସରକାର ପତନ ଘଟାଇଥିଲେ। ଏହାପରେ ଛତ୍ରପୁର ବିଧାନସଭା ନିର୍ବାଚନମଣ୍ଡଳୀରୁ କଂଗ୍ରେସ ବିଧାୟକ ପ୍ରଦ୍ୟୁମାନ ସିଂ ଲୋଡି ନିକଟରେ ଦଳରୁ ଇସ୍ତଫା ଦେଇ ବିଜେପିରେ ଯୋଗ ଦେଇଛନ୍ତି।
205 ଆସନ ବିଶିଷ୍ଟ ମଧ୍ୟପ୍ରଦେଶ ବିଧାନସଭାରେ ବର୍ତ୍ତମାନ ଶାସକ ବିଜେପି ନିକଟରେ 107 ଜଣ ବିଧାୟକ ଅଛନ୍ତି । ସେହିପରି ବାହୁଜନ ସମାଜ ପାର୍ଟି (ବିଏସପି) ର ଦୁଇଜଣ ବିଧାୟକ ଥିବା ବେଳେ ସମାଜବାଦୀ ପାର୍ଟିର ଗୋଟିଏ ଏବଂ ଚାରିଜଣ ସ୍ୱାଧୀନ ବିଧାୟକ ରହିଛନ୍ତି । ତେବେ ଖୁବ୍ ଶୀଘ୍ର 26 ଟି ନିର୍ବାଚନମଣ୍ଡଳୀରେ ଉପ-ନିର୍ବାଚନ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି।
