ଅମରାବତୀ: ରାଜଧାନୀ ଅମରାବତୀରୁ ପ୍ରଶାସନିକ କାର୍ଯ୍ୟାଳୟ ସ୍ଥାନାନ୍ତର ନେଇ ରାଜ୍ୟର ଜଗନ ମୋହନ ସରକାରଙ୍କ ନିଷ୍ପତ୍ତି ବିରୋଧରେ ନିର୍ଦ୍ଦେଶ ଜାରି କରି ଦେଇଥିବା ସମୟସୀମାକୁ ପୂନର୍ବାର ବୃଦ୍ଧି କରିଛନ୍ତି ଆନ୍ଧ୍ରପ୍ରଦେଶ ହାଇକୋର୍ଟ । ସେପ୍ଟେମ୍ବର 21 ଯାଏଁ ପୂର୍ବସ୍ଥିତି ବଜାୟ ରଖିବାକୁ ହାଇକୋର୍ଟ ଶୁକ୍ରବାର ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ପୂର୍ବରୁ 27 ଅଗଷ୍ଟ ଯାଏଁ ସମୟ ଦେଇଥିଲେ ହାଇକୋର୍ଟ ।
ଆନ୍ଧ୍ରପ୍ରଦେଶ ହାଇକୋର୍ଟ ରାଜଧାନୀ ବିକେନ୍ଦ୍ରୀକରଣ ଆଇନ ଏବଂ CRDA ରଦ୍ଦ ଆଇନ ଉପରେ 21 ସେପ୍ଟେମ୍ବର ପର୍ଯ୍ୟନ୍ତ ପୂର୍ବସ୍ଥିତିକୁ ବଜାୟ ରଖିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ଏହାସହ ରାଜ୍ୟ ସରକାରଙ୍କୁ 11 ସେପ୍ଟେମ୍ବରସୁଦ୍ଧା ଏକ ପିଟିସନ ଦାଖ କରିବାର ସୁଯୋଗ ଦେଇଛନ୍ତି ହାଇକୋର୍ଟ ।
ପୂର୍ବରୁ ଜଷ୍ଟିସ ରାକେଶ କୁମାର, ଜଷ୍ଟିସ ଏ.ଭି ଶେଷଶାଇ ଏବଂ ଜଷ୍ଟିସ ଏମ ସତ୍ୟନାରାୟଣ ମୁର୍ତ୍ତୀଙ୍କୁ ନେଇ ଗଠିତ ତିନିଜଣିଆ ଖଣ୍ଡପୀଠ ପ୍ରାୟ 55ଟି ଯାଚିକାର ଶୁଣାଣି କରି ଜଗନ ସରକାରଙ୍କୁ ଏହି ନିର୍ଦ୍ଦେଶ ଜାରି କରି 27 ଅଗଷ୍ଟ ଯାଏଁ ପୂର୍ବ ସ୍ଥିତି ବଜାୟ ରଖିବାକୁ ନିର୍ଦ୍ଦେଶ ଦେଇଥିଲେ । ବିକେନ୍ଦ୍ରୀକରଣ ଆଇନ ଏବଂ ରାଜଧାନୀ କ୍ଷେତ୍ର ବିକାଶ ଅଧିକରା (CRDA) ଅଧିନିୟମ ବାତିଲ ବିରୋଧରେ ସରକାରଙ୍କ ସରକାରଙ୍କ ରାଜପତ୍ର ବିରୋଧରେ ଏହି ଯାଚିକା ଦାଖଲ ହୋଇଥିଲା ।
ଆବେଦନକାରୀଙ୍କ ଆଇନଜୀବି କୋର୍ଟଙ୍କୁ କହିଥିଲେ ଯେ ରାଜ୍ୟ ସରକାରଙ୍କ 3 ରାଜଧାନୀ ଯୋଜନା ଆନ୍ଧ୍ରପ୍ରଦେଶ ପୁନର୍ଗଠନ ଆଇନ, 2104କୁ ଉଲ୍ଲଂଘନ କରୁଛି । ଏହି ଅଧିନିୟମରେ କେବଳ ଗୋଟିଏ ରାଜଧାନୀ ପାଇଁ ବ୍ୟବସ୍ଥା ରହିଛି। ଅନ୍ୟପକ୍ଷେ ବରିଷ୍ଠ ଆଇନଜୀବୀ ରାକେଶ ଦ୍ବିବେଦୀ ସରକାରଙ୍କ ପକ୍ଷରୁ ଯୁକ୍ତି ଦର୍ଶାଇ କହିଥିଲେ ଯେ ରାଜଧାନୀ ପ୍ରତିଷ୍ଠା ହେଉଛି ରାଜ୍ୟ ସରକାରଙ୍କ ନିର୍ଦ୍ଦେଶ | ଏହା ଉପରେ ରହିତାଦେଶ ଜାରି କରିବା ଉଚିତ ନୁହେଁ ବୋଲି ସେ କୋର୍ଟଙ୍କୁ ଦର୍ଶାଇଥିଲେ ।
