ଅମରାବତୀ: ଆଜିକାଲି ରାଜନେତାମାନେ ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ରହୁଥିବା ଦେଖିବାକୁ ମିଳୁଛି । ନିଜର ଷ୍ଟାଇଲ ଓ ଭିନ୍ନ ଅନ୍ଦାଜରେ ଜନତାଙ୍କ ମନ ଜିତିବାକୁ ପ୍ରୟାସ କରୁଛନ୍ତି ଏହି ନେତାମାନେ । ଏହିପରି ଆନ୍ଧ୍ର ପ୍ରଦେଶ ଉପ ମୁଖ୍ୟମନ୍ତ୍ରୀ ଓ ଆଦିବାସୀ କଲ୍ୟାଣ ମନ୍ତ୍ରୀ ପି.ପୁଷ୍ପା ଶ୍ରୀଭନିଙ୍କ ଟିକ୍ଟକ୍ ଭିଡିଓ ଭାଇରାଲ ହେବାରେ ଲାଗିଛି । ଭିଡିଓଟି ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ ଉପରେ ଆଧାରିତ ।
ଟିକ୍ଟକ୍ ଭିଡିଓରେ ପୁଷ୍ପା ଶ୍ରୀଭନି ମୁଖ୍ୟମନ୍ତ୍ରୀ ଜଗନ ରେଡ୍ଡୀଙ୍କୁ ପ୍ରଶଂସା କରୁଥିବା ଦେଖିବାକୁ ମିଳିଛି । ଭିଡିଓଟି ଆନ୍ଧ୍ର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ଓ୍ବାଇଏସଆର ପାର୍ଟି ପ୍ରଚାରର ଏକ ଅଂଶ ଭାବେ ରିଲିଜ ହୋଇଥିଲା । ଆନ୍ଧ୍ରପ୍ରଦେଶରେ ସରକାରଙ୍କ 3ଟି ରାଜଧାନୀ ପ୍ରସ୍ତାବକୁ ନେଇ ରାଜନୀତି ଉଷ୍ମ ଥିବା ବେଳେ ଉପ ମୁଖ୍ୟମନ୍ତ୍ରୀଙ୍କ ଏହି ଟିକ୍ଟକ୍ ଭିଡିଓ ସାମ୍ନାକୁ ଆସିଛି । ଶ୍ରୀଭନି କୁରୁପମ ଆସନରୁ ନିର୍ବାଚନ ଜିତିଥିଲେ । ସେ ଆନ୍ଧ୍ରପ୍ରଦେଶ ସରକାରଙ୍କ କ୍ୟାବିନେଟର ସର୍ବକନିଷ୍ଠ ମନ୍ତ୍ରୀ ।
