ବିଶାଖାପାଟନମ: ବିଲୁପ୍ତପ୍ରାୟ ଆଦିବାସୀ ଭାଷାର ଲିପି ପ୍ରସ୍ତୁତ କଲେ ଆନ୍ଧ୍ର ବିଶ୍ବବିଦ୍ୟାଳୟର ପ୍ରଫେସର । ଗତ ଦଶ ବର୍ଷ ମଧ୍ୟରେ 19 ଟି ଭାଷା ପାଇଁ ସ୍କ୍ରିପ୍ଟ ଗୁଡ଼ିକ ବିକଶିତ କରିଛନ୍ତି । ଆଦିବାସୀମାନଙ୍କୁ ମାତୃଭାଷାରେ ଶିକ୍ଷା ଦିଆଯିବା ପାଇଁ ସେ କହିଛନ୍ତି ।
ଆନ୍ଧ୍ର ବିଶ୍ବବିଦ୍ୟାଳୟର ପ୍ରଫେସର ପ୍ରସନ୍ନ ଶ୍ରୀ ଆଦିବାସୀ ଅଞ୍ଚଳରେ ବିସ୍ତୃତ ଭାବେ ଗବେଷଣା କରିଛନ୍ତି । ବିଭିନ୍ନ ଜନଜାତିଙ୍କ ଦ୍ବାରା କଥିତ ଭାଷାକୁ ନିରୀକ୍ଷଣ କରିଛନ୍ତି | ତାଙ୍କର ଗବେଷଣା ସମୟରେ ଦେଖିଲେ ଅନେକ ଆଦିବାସୀ ଭାଷା ବିପଦରେ ଅଛନ୍ତି । ଭାଷାଗୁଡ଼ିକୁ ପୁନର୍ଜୀବିତ କରିବା ଉଦ୍ଦେଶ୍ୟରେ, ପ୍ରଫେସର ଲିପି ଗୁଡ଼ିକର ବିକାଶ ପାଇଁ ଗବେଷଣା ଆରମ୍ଭ କରିଥିଲେ । ସେ ସଂରକ୍ଷଣ ଏବଂ ରେକର୍ଡ କରିବାରେ ଉଦ୍ଦେଶ୍ୟରେ ଆଦିବାସୀ ଭାଷା ଗୁଡ଼ିକରେ ସ୍କ୍ରିପ୍ଟ ଗୁଡିକ ଉପସ୍ଥାପନ କରିଥିଲେ । ପ୍ରାରମ୍ଭରେ ଗୋଟିଏ ଅଣ-ସ୍କ୍ରିପ୍ଟ ହୋଇନଥିବା ଆଦିବାସୀ ଭାଷା ପାଇଁ ବର୍ଣ୍ଣମାଳା ବିକଶିତ କରିଥିଲେ।
ସେ ଆହୁରି କହିଛନ୍ତି ଯଦି ଆଦିବାସୀମାନଙ୍କୁ ମାତୃଭାଷାରେ ଶିକ୍ଷା ଦିଆଯାଏ, ତେବେ ଏହା ସେମାନଙ୍କର ମାନସିକ ବିକାଶରେ ବହୁ ପରିମାଣରେ ସାହାଯ୍ୟ କରିବ । ତାଙ୍କର ଭାଷା ଏବଂ ସଂସ୍କୃତି ଗବେଷଣାକୁ ନିକଟରେ ଇଥିଓପିଆର ଗୋଣ୍ଡୋର ବିଶ୍ବବିଦ୍ୟାଳୟ ତାଙ୍କୁ ପ୍ରଶଂସା କରିଥିଲା । ପ୍ରଫେସର ପ୍ରସନ୍ନ ଦ୍ବାରା ପ୍ରସ୍ତୁତ ଆଦିବାସୀ ଲିପି ଗୁଗୁଲର ୱେବସାଇଟର ମାଧ୍ୟମରେ ପ୍ରକାଶ କରିଛନ୍ତି । ବିଲୁପ୍ତ ଜନିତ ଆଦିବାସୀ ଭାଷା ଉପରେ ଏକ ବିଶେଷ ଧ୍ୟାନ ଦେଇ ସେ ଏକ 'ବର୍ଣ୍ଣମାଳା ଆଟଲାସ୍' ଡିଜାଇନ୍ କରିଛନ୍ତି । ଯେଉଁଥିପାଇଁ ସେ ଏକମାତ୍ର ଭାରତୀୟ ମହିଳା ଭାବରେ ପରିଚିତ ହୋଇଛନ୍ତି । ବିଶ୍ବର 90 ଟି ବିପଦପୂର୍ଣ୍ଣ ଭାଷା ମଧ୍ୟରୁ 40 ଟି ଭାରତରୁ ଆସିଛି । ସେଥିମଧ୍ୟରୁ ପ୍ରଫେସର ପ୍ରସନ୍ନ 19 ଟି ଆଦିବାସୀ ଭାଷା ପାଇଁ ଲିପି ବିକାଶ କରିବାରେ ସାହାଯ୍ୟ କରିଛନ୍ତି ।
