ନୂଆଦିଲ୍ଲୀ: ପୁଣି ମହାନତା ଦେଖାଇଲେ ଯବାନ । ଯନ୍ତ୍ରଣାରେ ଛଟପଟ ହେଉଥିବା ଜଣେ ଗର୍ଭବତୀ ମହିଳାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି ନୌସେନା ଯବାନ । ଏଭଳି ଘଟଣା ଦେଖିବାକୁ ମିଳିଛି ଆଣ୍ଡମାନ ନିକୋବର ଦ୍ବୀପପୁଞ୍ଜର ଏକ ଗାଁରେ।
ଏଠାକାର ଜଣେ ପ୍ରସୂତି ଗର୍ଭ ଯନ୍ତ୍ରଣା ପାଉଥିବା ଖବର ପାଇଥିଲେ ନୌସେନା ଯବାନ । ଖବର ପାଇବାର ବାସ୍ କିଛି ସମୟ ମଧ୍ୟରେ ବିଜୁଳି ବେଗରେ ମହିଳାଙ୍କ ନିକଟରେ ପହଞ୍ଚିଥିଲେ। ସେଠାରୁ ମହିଳାଙ୍କୁ ଉଦ୍ଧାର କରି ସି-ପ୍ଲେନ ସାହାଯ୍ୟରେ ମେଡିକାଲ ଆଣିବା ବାଟରେ ମହିଳା ଏକ ଶିଶୁକୁ ଜନ୍ମ ଦେଇଥିଲେ। ପରେ ଉଭୟଙ୍କୁ ସ୍ଥାନୀୟ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଉଭୟେ ମା ଓ ଶିଶୁ ସୁସ୍ଥ ଅଛନ୍ତି।
