ଲଣ୍ଡନ: ମୋଦିଙ୍କ ବିଜୟୀରେ ଖୁସି ସମର୍ଥକ ପାଳୁଛନ୍ତି ଉତ୍ସବ । ତେବେ କେବଳ ଭାରତ ନୁହେଁ, ଲଣ୍ଡନରେ ମଧ୍ୟ ଲୋକେ ପାଳିଛନ୍ତି ବିଜୟ ଉତ୍ସବ । ଦ୍ବିତୀୟ ଥର ପାଇଁ ଆସନକୁ ଫେରିଥିବା ମୋଦିଙ୍କ ସଫଳତା ପାଇଁ ଲଣ୍ଡନରେ ଥିବା ସମର୍ଥକ ଗରବା ନାଚ କରି ପାଳିଛନ୍ତି ଉତ୍ସବ । ତେବେ ଏହାକୁ ବିଜନେସ ଟାଇକୁନ ଆନନ୍ଦ ମହିନ୍ଦ୍ରା ଟ୍ବିଟରରେ ସେୟାର କରିଛନ୍ତି ।
ଲଣ୍ଡନରେ ଗରବା ନାଚି ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି ମୋଦିପ୍ରେମୀ । ଲଣ୍ଡନ ସବୱେ ବାହାରେ ଚାଲିଥିଲା ଏହି ନାଚ । ଠିକ ଗୁଜୁରାତି ଷ୍ଟାଇଲରେ ଠୁମକା ଲଗାଉଥିଲେ ମୋଦି ପ୍ରେମୀମାନେ । ବିଦେଶରେ ରହି ମଧ୍ୟ ନିଜ ସଂସ୍କୃତିକୁ ନ ଭୁଲି ନିଜ ଢଙ୍ଗରେ ମୋଦିଙ୍କୁ ଜଣାଇଛନ୍ତି ଅଭିନନ୍ଦନ ।
ବର୍ତ୍ତମାନ ସୁଦ୍ଧା ଅନେକ ଲୋକ ଏହା ଦେଖିସାରିଥିବା ସେ କହିଛନ୍ତି । ଆନନ୍ଦଙ୍କ ଟ୍ବିଟରର ଆକାଉଣ୍ଟରେ ରହିଛନ୍ତି ପ୍ରାୟ 7 ମିଲିୟନ ଫଲୋଅର୍ସ ।
