ନୂଆଦିଲ୍ଲୀ: ଆଦାନୀ ଗ୍ରୁପର ଅଧ୍ୟକ୍ଷ ଗୌତମ ଆଦାନୀଙ୍କ ଉପରେ ଏକ ଗମ୍ଭୀର ଆରୋପ ଲଗାଇଛି ଆମେରିକା । ଆମେରିକାରେ ତାଙ୍କ କମ୍ପାନୀକୁ କଣ୍ଟ୍ରାକ୍ଟ ଦେବା ପାଇଁ 265 ମିଲିୟନ ଡଲାର ବା 1750 କୋଟି ଟଙ୍କା ଲାଞ୍ଚ ଦେଇଥିବା ଅଭିଯୋଗ ଆସିଛି । ଆମେରିକାର ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନ ଏହି ଅଭିଯୋଗ ଆଣିଛି । ସେପଟେ ଆମେରିକାର ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନ ଆଣିଥିବା ଲାଞ୍ଚ ଅଭିଯୋଗକୁ ଭିତ୍ତିହୀନ କହିବା ସହ ଏହାକୁ ଅସ୍ବୀକାର କରିଛି ଆଦାନୀ ଗ୍ରୁପ ।
ଅଭିଯୋଗକୁ ଭିତ୍ତିହୀନ କହିଲା ଆଦାନୀ ଗ୍ରୁପ:
Adani Group Spokesperson says, " the allegations made by the us department of justice and the us securities and exchange commission against directors of adani green are baseless and denied. as stated by the us department of justice itself, "the charges in the indictment are… pic.twitter.com/rSuxuHTFUo
— ANI (@ANI) November 21, 2024
ଆମେରିକାର ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନର ଅଭିଯୋଗକୁ ଅସ୍ବୀକାର କରିବା ସହ ଏହାକୁ ଭିତ୍ତିହୀନ କହିଛି ଆଦାନୀ ଗ୍ରୁପ । ଆମେ ଆଇନକୁ ପାଳନ କରୁଥିବା ସଂସ୍ଥା ଅଟୁ । ଗ୍ରୁପର ମୁଖ୍ୟପାତ୍ର ଏକ ବିବୃତ୍ତିରେ କହିଛନ୍ତି କି, ୟୁସ ଡିପାର୍ଟମେଣ୍ଟ ଅଫ୍ ଜଷ୍ଟିସ ଓ ଆମେରିକାର ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନ ଆଣିଥିବା ଅଭିଯୋଗ ଭିତ୍ତିହୀନ ଅଟେ । ଏଥିପାଇଁ ଆଇନଗତ ସମସ୍ତ କାର୍ଯ୍ୟାନୁଷ୍ଠାନ ଆମେ ଗ୍ରହଣ କରିବୁ । ସେ ଆହୁରି କହିଛନ୍ତି, ଯେଉଁ ପର୍ଯ୍ୟନ୍ତ ଲଗାଯାଇଥିବା ଅଭିଯୋଗ ସାବ୍ୟସ୍ତ ହୋଇନାହିଁ ସେ ପର୍ଯ୍ୟନ୍ତ ଦୋଷୀ ଭାବେ ଗଣାଯାଏ ନାହିଁ ।
‘ଆଦାନୀ ଗ୍ରୁପ ସର୍ବଦା ଏହାର କାର୍ଯ୍ୟର ସମସ୍ତ ପ୍ରାଧୀକରଣ ମଧ୍ୟରେ ସର୍ବୋଚ୍ଚ ଶାସନ, ସ୍ବଚ୍ଛତା ଏବଂ ନିୟାମକ ମାନ୍ୟତା ବଜାୟ ରଖିବା ପାଇଁ ଦୃଢ ପ୍ରତିବଦ୍ଧ ଅଟେ । ଆମର ହିତାଧିକାରୀ, ଭାଗିଦାରୀ ଓ କର୍ମଚାରୀଙ୍କୁ ନିଶ୍ଚିତ କରୁଛୁ, ଆମେ ଆଇନ ପାଳନ କରୁଥିବା ସଂଗଠନ ଅଟୁ । ଆମେ ଆଇନ ସମ୍ପୂର୍ଣ୍ଣ ଭାବେ ପାଳନ କରୁଛୁ ।
ଆଦାନୀଙ୍କୁ କେନିଆ ଝଟ୍କା:
ଲାଞ୍ଚ ମାମଲା ଆସିବା ପରେ ଗୌତମ ଆଦାନୀଙ୍କୁ ଗୋଟିଏ ପରେ ଗୋଟିଏ ଝଟକା ଲାଗୁଛି । ଆମେରିକା ଗମ୍ଭୀର ଅଭିଯୋଗ ଆଣିବା ପରେ କେନିଆରେ ଚାଲିଥିବା ଆଦାନୀଙ୍କ ପ୍ରକଳ୍ପ ଗୁଡିକୁ ରଦ୍ଦ କରିଛନ୍ତି କେନିଆ ସରକାର । ପ୍ରକଳ୍ପକୁ ବାତିଲ କରିବାକୁ ଘୋଷଣା କରିଛନ୍ତି । କେନିଆ ରାଷ୍ଟ୍ରପତି ଆଦାନୀ ଗ୍ରୁପ ସହ ଜଡିତ 2ଟି ପ୍ରମୁଖ ପ୍ରକଳ୍ପକୁ ବାତିଲ ଘୋଷଣା କରିଛନ୍ତି । ପ୍ରକଳ୍ପ ଦୁଇଟି ହେଲା ନାଇରୋବିରେ ପ୍ରସ୍ତାବିତ ଏୟାରପୋର୍ଟ ଓ ଶକ୍ତି ପ୍ରକଳ୍ପ ।
ଆଦାନୀଙ୍କ ଗିରଫ ଦାବି କଲେ ରାହୁଲ:
LIVE: Press Conference | AICC HQ, New Delhi https://t.co/mHekba8CL4
— Rahul Gandhi (@RahulGandhi) November 21, 2024
ଆଦାନୀଙ୍କୁ ଉପରେ ଲାଞ୍ଚ ଅଭିଯୋଗ ଆସିବା ପରେ ବିରୋଧି ଦଳ ନେତା ରାହୁଲ ଗାନ୍ଧୀ ପ୍ରତିକ୍ରିୟା ପ୍ରକାଶ କରିବା ସହ ତୁରନ୍ତ ଶିଳ୍ପପତି ଗୌତମ ଆଦାନୀଙ୍କୁ ଗିରଫ ଦାବି କରିଛନ୍ତି । ସେ ସାମ୍ବାଦିକ ସମ୍ମିଳନୀ କରିଛନ୍ତି, ଏହି ଶିଳ୍ପପତି ଆମେରିକାରେ ଆଇନକୁ ଭାଙ୍ଗିଛନ୍ତି । ଏହା ସହ ପ୍ରଧାନମନ୍ତ୍ରୀ ତାଙ୍କୁ ସୁରକ୍ଷା ଦେଉଥିବା ଅଭିଯୋଗ ଆଣିଛନ୍ତି ।
ପୂର୍ବରୁ ହିଣ୍ଡନବର୍ଗ ରିପୋର୍ଟରେ ଚର୍ଚ୍ଚାରେ ଥିଲେ ଆଦାନୀ:
ପୂର୍ବରୁ ଗତ 2023 ଜାନୁଆରୀ ମାସରେ ଆଦାନୀ ଗ୍ରୁପ ଷ୍ଟକ ଜାଲିଆତିକୁ ନେଇ ହିଣ୍ଡନବର୍ଗ ଏକ ରିପୋର୍ଟ ପ୍ରକାଶ କରିଥିଲା । ଏଥିରେ ରିପୋର୍ଟରେ ହିଣ୍ଡେନବର୍ଗ ଦର୍ଶାଇଥିଲା କି, ଆଦାନୀ ଗ୍ରୁପ କମ୍ପାନୀ ଆକାଉଣ୍ଟିଂ ଓ ଷ୍ଟକ ଜାଲିଆତି କରୁଛି । ଏହି ରିପୋର୍ଟ ଆସିବା ପରେ ସାରା ଦେଶରେ ହଇଚଇ ସୃଷ୍ଟି ହୋଇଥିଲା । ଏହି ରିପୋର୍ଟ ଆସିବା ପରେ ଆଦାନୀ ଗ୍ରୁପ ସେୟାର ଦ୍ରୁତ ଗତିରେ ହ୍ରାସ ପାଇବା ସହ ବିପୁଳ କ୍ଷତି ସହିଥିଲା ଗ୍ରୁପ ।
