ନୂଆଦିଲ୍ଲୀ: କୋରୋନା ଭୂତାଣୁ ଭାରତରେ ପ୍ରଭାବ ବିସ୍ତାର କରିଥିବା ବେଳେ ଚାକିରି କ୍ଷେତ୍ରରେ ମାନ୍ଦାବସ୍ଥା ପରିଲକ୍ଷିତ ହୋଇଛି । ତେଣୁ କର୍ମଚାରୀ ମାନଙ୍କୁ ଛଟେଇ କିମ୍ବା ଦରମା ହ୍ରାସ ନ କରିବାକୁ ସମସ୍ତ ସରକାରୀ ଓ ବେସରକାରୀ ନିଯୁକ୍ତିଦାତାଙ୍କୁ କେନ୍ଦ୍ର ଶ୍ରମ ଓ ନିଯୁକ୍ତି ମନ୍ତ୍ରଣାଳୟ ପକ୍ଷରୁ ନିର୍ଦ୍ଦେଶାନାମା ଜାରି କରାଯାଇଛି ।
ଭାରତରେ ବର୍ତ୍ତମାନ କୋରୋନା ପାଇଁ ବିଭିନ୍ନ ରାଜ୍ୟରେ ଲକ ଡାଉନ କରାଯାଇଛି । କେବଳ ଜରୁରୀ କାଳୀନ କ୍ଷେତ୍ରକୁ ଛାଡିଦେଲେ ଅନ୍ୟ ସମସ୍ତ କ୍ଷେତ୍ରକୁ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି । ତେଣୁ ବିଭିନ୍ନ କମ୍ପାନୀ ମାନେ ନିଜର ସ୍ବାର୍ଥ ଦୃଷ୍ଟିରୁ କର୍ମଚାରୀଙ୍କ ଦରମା ହ୍ରାସ କରିବା ତଥା ଛଟେଇ କରିବାର ସମ୍ଭାବନା ରହିଛି । କର୍ମଚାରୀ ମାନଙ୍କ ସ୍ବାର୍ଥରକ୍ଷା ଦୃଷ୍ଟିରୁ ଶ୍ରମ ଓ ନିଯୁକ୍ତି ମନ୍ତ୍ରଣାଳୟ ଏହି ନିର୍ଦ୍ଦେଶାନାମା ଜାରି କରିଛି ।
ଭାରତରେ ବର୍ତ୍ତମାନ ସୁଦ୍ଧା କୋରୋନାରେ 8 ଜଣଙ୍କ ମୃତ୍ୟୁ ହୋଇଥିବା ବେଳେ 433 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସରକାରଙ୍କ ପକ୍ଷରୁ ଦେଶରେ ହାଇଆଲର୍ଟ ଜାରି କରାଯାଇଛି ।
@ANI
