ନୂଆଦିଲ୍ଲୀ: ଆଜି ନାମାଙ୍କନ ଦାଖଲ କରିବେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ଗାନ୍ଧୀନଗର ଲୋକସଭା ଆସନ ପାଇଁ ଶାହା ନାମାଙ୍କନ ଦାଖଲ କରିବେ । ଏହି ସମୟରେ ତାଙ୍କ ସାଙ୍ଗରେ ଉପସ୍ଥିତ ରହିବେ କେନ୍ଦ୍ରମନ୍ତ୍ରୀ ରାଜନାଥ ସିଂହ, ନୀତିନ୍ ଗଡକରୀଙ୍କ ସମେତ ବହୁ ବରିଷ୍ଠ ନେତା ।
ଚଳିତ ଥର ଗାନ୍ଧୀନଗର ଲୋକସଭା ପ୍ରାର୍ଥୀ ଭାବେ ଦଳ ହେଭିୱେଟ୍ ନେତା ଅମିତ ଶାହାଙ୍କୁ ମୈଦାନକୁ ଓହ୍ଲାଇଛି । ପୂର୍ବରୁ ଏହି ଆସନରେ ବିଜେପି ବରିଷ୍ଠ ନେତା ଲାଲକୃଷ୍ଣ ଆଡଭାନୀ ଲଢୁଥିଲେ । ଆଡଭାନୀ ଗତ 1998 ମସିହାରୁ ଏହି ଆସନରୁ ପ୍ରାର୍ଥୀ ଭାବେ ଛିଡା ହୋଇଆସୁଥିଲେ । ଏଥର କିନ୍ତୁ ଦଳ ଏହି ଆସନ ପାଇଁ ଶାହାଙ୍କ ଉପରେ ଭରସା କରିଛି । କାରଣର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରେ ଶାହା ଜଣେ ପ୍ରମୁଖ ନେତା ଭାବେ ଜଣାସୁଣା ।
ତେବେ ଗୁଜୁରାଟ ବିଜେପିର ପ୍ରମୁଖ ନେତା ଜିତୁ ବଘାନି କହିଛନ୍ତି, ଶାହାଙ୍କ ନାମାଙ୍କନ ଦାଖଲ ସମୟରେ ଦଳର ପ୍ରମୁଖ ନେତା ଉପସ୍ଥିତ ରହିବେ । ସେମାନଙ୍କ ମଧ୍ୟରେ ରାଜନାଥ ସିଂହ, ନୀତିନ ଗଡକରୀ ଓ ଲାଲକୃଷ୍ଣ ଆଡଭାନୀଙ୍କ ଭଳି ପ୍ରମୁଖ ନେତା ରହିଛନ୍ତି ।
