କୋଲକାତା: ମହାମାରୀ କୋରୋନା ସଙ୍କଟରେ ଗୃହମନ୍ତ୍ରୀ ଅମିତ ଶାହାଙ୍କ ଆଉ ଏକ ରାଲି । ବିହାର ପରେ ଆଜି ପଶ୍ଚିମବଙ୍ଗରେ ପ୍ରଥମ ଥର ଭର୍ଚୁଆଲ ରାଲି କରିବେ ବିଜେପିର ପୂର୍ବତନ ଅଧ୍ୟକ୍ଷ ଅମିତ ଶାହା । ଅନଲାଇନ ରାଲି ମାଧ୍ୟମରେ ପ୍ରାୟ 1 କୋଟି ଜନତାଙ୍କ ନିକଟରେ ପହଞ୍ଚିବେ ଶାହ । ବିଜେପି କାର୍ଯ୍ୟକର୍ତ୍ତା ସମେତ ସାଧାରଣ ଲୋକ ମଧ୍ୟ ଗୃହମନ୍ତ୍ରୀଙ୍କ ଭାଷଣ ଶୁଣିପାରିବେ । କୁହାଯାଉଛି, 2021 ପଶ୍ଚିମବଙ୍ଗ ନିର୍ବାଚନ ବିଗୁଲ ବଜାଇବା ଆରମ୍ଭ କରିଦେଇଛନ୍ତି ବିଜେପିର ପୂର୍ବତନ ଅଧ୍ୟକ୍ଷ ଅମିତ ଶାହା ।
ପଶ୍ଚିମବଙ୍ଗର 78 ହଜାର ବୁଥରେ ଶାହାଙ୍କ କାର୍ଯ୍ୟକ୍ରମକୁ ପ୍ରସାରଣ କରାଯିବ । ବିଜେପିର ୱେବସାଇଟ ‘ବିଜେପି ଫର ବେଙ୍ଗଲ’ ମଧ୍ୟ ଏହି ସଭାକୁ ଦେଖିପାରିବେ । ଏହା ସହିତ ସୋସିଆଲ ମିଡିଆରେ ମଧ୍ୟ ଶାହାଙ୍କର ଏହି ରାଲି ଦେଖିବାକୁ ମିଳିବ । ଶାହାଙ୍କ ସଭାକୁ ତିନିଟି ଭାଗରେ ପ୍ରସାରିତ କରାଯିବ । ପ୍ରଥମରେ ରାଜ୍ୟର ପ୍ରାୟ 1 ବିଜେପି କାର୍ଯ୍ୟକର୍ତ୍ତାଙ୍କୁ ଭିଡିଓ କନଫରେନ୍ସିଂ କରାଯିବ । ଏହାକୁ ଅନଲାଇନ ଟେଲିକାଷ୍ଟ କରାଯିବ ।
ଦ୍ବିତୀୟଟି,ଏହି କାର୍ଯ୍ୟକ୍ରମ କୋଲକାତାର ମୁରଲୀଧର ସେନ ଲେନ ସ୍ଥିତି ବିଜେପି ରାଜ୍ୟ କାର୍ଯ୍ୟାଳୟ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମ ପଶ୍ଚିମବଙ୍ଗର ବିଜେପି ଅଧ୍ୟକ୍ଷ ଓ ବିଜେପି ସାଂସଦ ଦିଲ୍ଲୀପ ଘୋଷ ଆରମ୍ଭ କରିବେ । ଏହାର ସିଧା ପ୍ରସାରଣ ଦିଲ୍ଲୀରୁ ହେବ, ଯେଉଁଠି ଗୃହମନ୍ତ୍ରୀ ଅମିତ ଶାହା ଭାଷଣ ଦେବେ ।
ତୃତୀୟରେ, 1000 ବିଜେପିର କିଛି କର୍ମୀ ଅମିତ ଶାହାଙ୍କୁ ସିଧାସଳଖ ପ୍ରଶ୍ନର ଉତ୍ତର ଦେବାକୁ ସମର୍ଥ ହେବେ, ଯାହାକୁ ଅମିତ ଶାହା ନିଜେ ଉତ୍ତର ଦେବେ। ଇତିହାସରେ ପ୍ରଥମ ଥର ସମସ୍ତ ସଭା ଓ କାର୍ଯ୍ୟକ୍ରମ ଏବେ ଭର୍ଚୁଆଲ ମାଧ୍ୟମରେ କରାଯାଉଛି ।
