ମୁମ୍ବାଇ: ଦେଶର ଆର୍ଥିକ ରାଜଧାନୀ ମୁମ୍ବାଇରେ ଆତଙ୍କବାଦୀ ଆକ୍ରମଣ ଆଶଙ୍କା । ହାଇଆଲର୍ଟ ଜାରି । ଗୁପ୍ତଚର ତଥ୍ୟ ଅନୁସାରେ, ଆସୁଥିବା ଉତ୍ସବରେ ମୁମ୍ବାଇରେ ଆତଙ୍କବାଦୀ ଆକ୍ରମଣ ହୋଇପାରେ । ଯାହାକୁ ନେଇ ସଜାଗ ହୋଇଛି ପୋଲିସ ପ୍ରଶାସନ । ଏନେଇ ସହରରେ ଆଲର୍ଟ ଜାରି କରାଯାଇଛି ।
ପୋଲିସ ପକ୍ଷରୁ ଡ୍ରୋନ, ମାଇକ୍ରୋଲାଇଟ ଏୟାରକ୍ରାଫ୍ଟ ଆଦିକୁ କିଛି ଦିନ ପାଇଁ ବ୍ୟାନ କରାଯାଇଛି । ଜନଗହଳିପୂର୍ଣ୍ଣ ସ୍ଥାନରେ ଡ୍ରୋନ କିମ୍ବା ମିଶାଇଲ ଆଟାକ ହୋଇପାରେ ବୋଲି ସୂଚନା ପାଇବା ପରେ ପୋଲିସ ପକ୍ଷରୁ ଏଭଳି ପଦକ୍ଷେପ ନିଆଯାଇଛି ।
ରିମୋର୍ଟ କଣ୍ଟ୍ରୋଲରେ ଚାଲୁଥିବା ସମସ୍ତ ଜିନିଷ ଉପରେ ପୋଲିସ ବ୍ୟାନ ଲଗାଇଛି । ଏହାସହ ଏହି ନିୟମକୁ ଯିଏ ଅମାନ୍ୟ କରିବ ତା ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁମ୍ବାଇ ପୋଲିସ ପକ୍ଷରୁ କୁହାଯାଇଛି । ଏହି ଆଦେଶ ସେପ୍ଟେମ୍ବର 30 ତାରିଖରୁ ନଭେମ୍ବର 28 ତାରିଖ ଯାଏ ଲାଗୁ କରାଯିବ ବୋଲି କୁହାଯାଇଛି ।
