ନୂଆଦିଲ୍ଲୀ: ଆଗାମୀ ବାୟୁସେନା ମୁଖ୍ୟ ଭାବେ ଦାୟିତ୍ବ ନେବେ ଏୟାର ମାର୍ଶଲ ଆରକେଏସ ଭଦୌରିଆ । ଆସନ୍ତା 30 ତାରିଖରେ ବର୍ତ୍ତମାନର ବାୟୁସେନା ମୁଖ୍ୟ ବିଏସ ଧନୋଆଙ୍କ କାର୍ଯ୍ୟକାଳ ଶେଷ ହେବ । ଫଳରେ ସରକାର ଆଗାମୀ ବାୟୁସେନା ମୁଖ୍ୟଙ୍କ ନାମ ଆଜି(ଗୁରୁବାର) ଘୋଷଣା କରିଛନ୍ତି ।
ପ୍ରତିରକ୍ଷା ମନ୍ତ୍ରଣାଳୟର ମୁଖ୍ୟ ପ୍ରବକ୍ତା ଟ୍ବିଟର ମାଧ୍ୟମରେ କହିଛନ୍ତି କି ସରକାର ବର୍ତ୍ତମାନ ବାୟୁସେନା ଉପମୁଖ୍ୟ ଏୟାର ମାର୍ଶାଲ ଆରକେଏସ ଭଦୌରିଆଙ୍କୁ ବାୟୁସେନା ମୁଖ୍ୟ ଭାବେ ନିଯୁକ୍ତ ଦେଇଛନ୍ତି । ଭଦୌରିଆ ଏହି ଦାୟିତ୍ବ ସମ୍ଭାଳିବାରେ 26ତମ ଅଫିସର ହେବେ ।
ବିରେନ୍ଦ୍ର ସିଂ ଧନୋଆ ଆସନ୍ତା 30 ତାରିଖରେ ଅବସର ନେବେ । ସେ ଗତ 2017 ଜାନୁୟାରୀ 1 ତାରିଖରୁ ଦାୟିତ୍ବରେ ଥିଲେ ।
