ନୂଆଦିଲ୍ଲୀ: କୋରୋନା ୟୋଗୁଁ ବହୁ ଘରୋଇ କମ୍ପାନୀ ନିଜର କର୍ମଚାରୀଙ୍କୁ ଛଟେଇ କରିଛି । ତେବେ ବିମାନ କ୍ଷେତ୍ରରେ ଏହି ଛଟେଇ କାର୍ଯ୍ୟ ଅଧିକ ଦେଖିବାକୁ ମିଳିଛି । ସମ୍ପ୍ରତିରେ ଏୟାର ଇଣ୍ଡିଆ ପାଇଲଟଙ୍କ ଛଟେଇକୁ ନେଇ ଆଲୋଚନା କରାଯାଉଥିଲା । ଏପରି ନକରିବାକୁ ପାଇଲଟମାନେ ଅଭିଯୋଗ ମଧ୍ୟ କରିଥିଲେ । ଅଭିଯୋଗ ମୁତାବକ ଶେଷ ନିଷ୍ପତ୍ତି ମଧ୍ୟ ଆସିଛି । ହେଲେ ଏହି ନିଷ୍ପତ୍ତି ପାଇଲଟଙ୍କ ବିନା ପରାମର୍ଶରେ ଶେଷ ହୋଇଥିବା ଏୟାର ଇଣ୍ଡିଆର ପାଇଲଟ ଆସୋସିଏସନ୍ (ଆଇସିପିଏ) ଜାତୀୟ କ୍ୟାରିଅରକୁ ଚିଠି ଲେଖି ଅଭିଯୋଗ କରିଛି ।
ନିଷ୍ପତ୍ତି ଅନୁସାରେ ବିନା ଦରମାରେ ଛୁଟି ନେବା ଉଭୟ ପାଇଲଟ ଏବଂ ଏୟାର ଇଣ୍ଡିଆ ପାଇଁ ବିଜୟ ବୋଲି କୁହାଯାଉଛି । ତେବେ ଏହି ନିଷ୍ପତ୍ତି ପାଇଲଟଙ୍କ ବିନା ପରାମର୍ଶରେ ଶେଷ ହୋଇଛି । ଏହା ଏକ ବୁଝାମଣା ନୁହେଁ, କିନ୍ତୁ MoCA ର ନିର୍ଦ୍ଦେଶ ଯାହା ଆମକୁ ଜଣାଯାଇଥିଲା । ଆମେ ଏହା ମଧ୍ୟ ରେକର୍ଡ କରିବାକୁ ଚାହୁଁଛୁ ଯେ ତଥାକଥିତ ବୁଝାମଣା କୌଣସି ଦିଗରେ ‘ସୁସଂଗତ ନୁହେଁ’ ବୋଲି ଭାରତୀୟ ବାଣିଜ୍ୟିକ ପାଇଲଟ୍ ଆସୋସିଏସନ୍ ଚିଠିରେ ଦର୍ଶାଯାଇଛି ।
ଗତ ସପ୍ତାହରେ ଏକ ଆଦେଶରେ ଏୟାର ଇଣ୍ଡିଆ କହିଛି ଯେ କିଛି କର୍ମଚାରୀଙ୍କୁ ଛଅ ମାସ କିମ୍ବା ଦୁଇ ବର୍ଷ ପର୍ଯ୍ୟନ୍ତ ଛୁଟିରେ ପଠାଇବା ପ୍ରକ୍ରିୟା ଆରମ୍ଭ କରିଛି । ଯାହା ମଧ୍ୟ ପାଞ୍ଚ ବର୍ଷ ପର୍ଯ୍ୟନ୍ତ ବୃଦ୍ଧି କରାଯାଇପାରେ । ତେବେ ସର୍ତ୍ତ ମୁତାବକ ଯେଉଁମାନେ ଯେତେଦିନ ଛୁଟିରେ ରହିବେ ସେମାନଙ୍କୁ ଆଉ ଦରମା ମିଳବ ନାହିଁ । ଏହି ବ୍ୟବସ୍ଥାକୁ ରକ୍ଷା କରି ଏୟାର ଇଣ୍ଡିଆ କହିଛି ଯେ ଏହା କର୍ମଚାରୀମାନଙ୍କୁ ଉକ୍ତ ସମୟ ପାଇଁ ଅନ୍ୟ ନିଯୁକ୍ତିଦାତାଙ୍କ ସହ ଜଡିତ ହେବା ପାଇଁ ସ୍ବାଧୀନତା ଦେବ । ଅନ୍ୟପକ୍ଷରେ ଏୟାରଲାଇନ୍ସ ମଧ୍ୟ ଏହାର ନଗଦ ଟଙ୍କାକୁ ସଞ୍ଚୟ କରିପାରିବ ।
ପ୍ରକାଶ ଥାଉକି, ପ୍ରାୟ ଦୁଇ ବର୍ଷ ପୂର୍ବେ ଅଧିକାଂଶ ଅଂଶଧନ ନିଲାମ କରିବାର ପ୍ରୟାସ କୌଣସି ବିଡ୍ ଅଙ୍କନ କରିବାରେ ବିଫଳ ହୋଇଥିଲା । ଏୟାରଲାଇନ୍ସରେ ଜମା ହୋଇଥିବା ଋଣ 69,000 କୋଟିରୁ ଅଧିକ ହେବ ବୋଲି ଆକଳନ କରାଯାଇଛି । ପୂର୍ବ ଆର୍ଥିକ ବର୍ଷରେ ଏହା 5,348 କୋଟି ଟଙ୍କା କ୍ଷତି ହୋଇଥିବାବେଳେ 2018-19 ଆର୍ଥିକ ବର୍ଷରେ ଏହା 8,556 କୋଟି ଟଙ୍କା କ୍ଷତି ହୋଇଥିବା ଜଣାପଡିଛି । ଯେଉଁଥିପାଇଁ ଏମିତି ନିଷ୍ପତ୍ତି ନିଆଯାଇଥାଇପାରେ ବୋଲି ଅନୁମାନ କରାଯାଉଛି । ଏନେଇ ଏୟାର ଇଣ୍ଡିଆର ମୁଖପାତ୍ର କହିଛନ୍ତି ଯେ, ଆଭ୍ୟନ୍ତରୀଣ ପ୍ରସଙ୍ଗରେ ସେ କୌଣସି ମନ୍ତବ୍ୟ ଦେବାକୁ ଚାହୁଁନାହାନ୍ତି ।
