ଅହମ୍ମଦାବାଦ: ନବଜାତ ଶିଶୁଙ୍କ ପାଇଁ ଗତବର୍ଷ ଡିସେମ୍ବର ମାସ ଏକ ପ୍ରକାର ଅଶୁଭ ଥିବା ଜଣାପଡୁଛି । ରାଜସ୍ଥାନରେ କୋଟା ଶିଶୁ ମୃତ୍ୟୁ ସଂଖ୍ୟା ଥମିନଥିବା ବେଳେ ଏବେ ଅହମ୍ମଦାବାଦ ଓ ରାଜକୋଟରୁ ମଧ୍ୟ ଏପରି ଘଟଣା ସାମ୍ନାକୁ ଆସିଛି । ଅହମ୍ମଦାବାଦ ସିଭିଲ ହସ୍ପିଟାଲରେ ଗତ ଡିସେମ୍ବର ମାସରେ 85 ଜଣ ଶିଶୁଙ୍କ ମୃତ୍ୟୁ ହୋଇଥିବା ଜଣାପଡିଛି । ଅହମ୍ମଦାବାଦର ଏହି ସିଭିଲ ହସ୍ପିଟାଲ ଏସିଆର ସବୁଠୁ ବଡ ହସ୍ପିଟାଲ ।
ପୂର୍ବରୁ ଗୁଜୁରାଟର ରାଜକୋଟରେ ମଧ୍ୟରେ ଡିସେମ୍ବର ମାସରେ 112 ଶିଶୁଙ୍କ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଥିଲା । ସେହିପରି ରାଜସ୍ଥାନ କୋଟାର ଶିଶୁ ମୃତ୍ୟୁ ସଂଖ୍ୟା ବର୍ତ୍ତମାନ ସୁଦ୍ଧା 112 ଛୁଇଁ ସାରିଲାଣି । ଅହମ୍ମଦାବାଦ ସିଭିଲ ହସ୍ପିଟାଲରେ କୁପୋଷଣରୁ 85 ଶିଶୁଙ୍କ ମୃତ୍ୟୁ ହୋଇଥିବା ନେଇ କୁହାଯାଉଛି ।
