କାବୁଲ: ଆଫଗାନିସ୍ଥାନରେ ଆତଙ୍କବାଦୀଙ୍କୁ ନିପାତ କରିବା ପାଇଁ କାର୍ଯ୍ୟାନୁଷ୍ଠାନ ଜାରି ରଖିଛି ପୋଲିସ । ଶନିବାର ଦେଶର କାନ୍ଦାହାର ପ୍ରଦେଶରେ ପୋଲିସ ଓ ଆତଙ୍କୀଙ୍କ ମଧ୍ୟରେ ହୋଇଥିବା ସଂଘର୍ଷରେ 8 ଜଣଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ 5 ଆତଙ୍କବାଦୀ ରହିଥିବା ବେଳେ 3 ପୋଲିସ କର୍ମଚାରୀ ରହିଛନ୍ତି ।
କାନ୍ଦାହାରର ପୋଲିସ ମୁଖ୍ୟ ଅଧିକାରୀଙ୍କ କହିବା ଅନୁସାରେ, ପ୍ରଥମେ ଆତଙ୍କବାଦୀମାନେ ସରୁକ୍ଷାକର୍ମୀଙ୍କ ଉପରେ ଗୁଳିମାଡ କରିଥିଲେ । ଏହି ଗୁଳିବିନିମୟଟି ମାଇୱାଣ୍ଡା ଜିଲ୍ଲାର ତାଇମୋର ଅଞ୍ଚଳରେ ଘଟିଛି । ତେବେ ଆତଙ୍କୀଙ୍କ ଗୁଳିର ପାଲଟା ଜବାବ ଦେଇଥିଲେ ପୋଲିସ ସୁରକ୍ଷା କର୍ମୀ । ଏହି ଗୁଳିବିନିମୟରେ 3 ଜଣ ପୋଲିସ ସୁରକ୍ଷାକର୍ମୀଙ୍କ ମୃତ୍ୟୁ ହେବା ସହ ଜଣେ
ଆହତ ହୋଇଛନ୍ତି ।
