ଡେରାଡୁନ: ଅତ୍ୟନ୍ତ ମନରୋମ ଦୃଶ୍ୟ । ଦେଖିଲେ ଲାଗୁଛି ସତେ ଯେମିତି ଧଳା ଚାଦର ପୁରା ଅଞ୍ଚଳକୁ ଘୋଡେଇ ଦେଇଛି । ଏ ହେଉଛି ଉତ୍ତରାଖଣ୍ଡର କେଦାରନାଥ ମନ୍ଦିର ଚାରିପାଖର । ଦେବଭୂମିରେ ପ୍ରବଳ ତୁଷାରପାତ ହୋଇଥିବା ଦେଖିବାକୁ ମିଳିଛି । ଯାହା ଦ୍ବାରା ଜନଜୀବନ ଅସ୍ତବ୍ୟସ୍ତ ହୋଇଯାଇଛି ।
ମନ୍ଦିରଠୁ ଆରମ୍ଭ କରି ମନ୍ଦିର ଚତୁଃପାର୍ଶ୍ବରେ ଥିବା ଛୋଟ ବଡ ବିଲ୍ଡିଂ ଗୁଡିକ ବରଫ ପାତରେ ଘୋଡି ହୋଇଯାଉଛି । ବାବା ଭୋଲେନାଥଙ୍କ ଏହି ଧାମର ଦୃଶ୍ୟ ସମସ୍ତଙ୍କ ମନ ମୋହୁଛି । ଯେମିତି ଲାଗୁଛି ପ୍ରକୃତି ପ୍ରଭୁ କେଦାରନାଥଙ୍କର ଶୃଙ୍ଗାର କରୁଛି । କେଦାରନାଥ ବାହାରେ ଥିବା ନଦୀ ଗୁଡିକ ମଧ୍ୟ ବରଫରେ ଢାଙ୍କି ହୋଇଯାଇଛି । ତେବେ ଏଠାରେ କହି ରଖୁଛୁ ଯେ ଏହି ସମୟରେ କେଦାରନାଥ ଧାମର କବାଟ ବନ୍ଦ ରହିଛି । ପୌରାଣିକ କଥା ଅନୁଯାୟୀ ଏଠାରେ 6 ମାସ ଦେବତା ଓ 6 ମାସ ମଣିଷମାନେ ଏଠାରେ ପୂଜା କରିଥାନ୍ତି ।
