ଅହମ୍ମଦାବାଦ: ଭୟଙ୍କର ଦୁର୍ଘଟଣା। ଦୁଇଟି କାର୍ ମୁହାଁ ମୁହିଁ ଧକ୍କା ହେବା ଫଳରେ ଘଟଣାସ୍ଥଳରେ 5 ମୃତ ଓ 4 ଜଣ ଗୁରୁତର ଆହତ। ଏହି ଅଭାବୀନୟ ଘଟଣା ରବିବାର ରାତିରେ ଗୁଜୁରାଟ ଖେଦା ଜିଲ୍ଲାରେ ଘଟିଛି।
ଅହମ୍ମଦାବାଦ-ଭଦୋଦରା ଜାତୀୟ ରାଜପଥ -8 ଉପରେ ଦୁଇଟି କାର ମୁହାଁମୁହିଁ ଧକ୍କା ହେବା ଫଳରେ ଘଟଣାସ୍ଥଳରେ ପାଞ୍ଚ ଜଣଙ୍କର ମୃତ୍ୟୁ ଘଟିଛି। ଆହତମାନଙ୍କୁ ନାଦିଆଦର ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି ବୋଲି ପୋଲିସ କହିଛି।
“ପାଞ୍ଚ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଚାରିଜଣ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ବୋଲି ନାଦିଆଦ୍ ଅଗ୍ନିଶମ ଅଧୀକ୍ଷକ ଦୀକ୍ଷିତ ପଟେଲ କୁହନ୍ତି।
ଦୁର୍ଘଟଣା ଖବର ପାଇବା ମାତ୍ରେ ଅଗ୍ନିଶମ ବାହିନୀ ଦଳ, ତିନୋଟି ଆମ୍ବୁଲାନ୍ସ ଏବଂ ପୋଲିସ ଘଟଣାସ୍ଥଳରେ ପହଞ୍ଚିଥିଲେ। ସମସ୍ତ ମୃତକ ଅହମ୍ମଦାବାଦର ବାସିନ୍ଦା। ପୋଲିସ ଘଟଣାର ତଦନ୍ତ ଆରମ୍ଭ କରିଛି।
