ନାମାଙ୍କନ ଭରିଲେ ନକଲି ମୋଦି

ଅବିକଳ ପ୍ରଧାନମନ୍ତ୍ରୀ ମୋଦିଙ୍କ ଭଳି ଦେଖା ଯାଉଥିବା ଲକ୍ଷ୍ନୌର ଅଭିନନ୍ଦନ ପାଠକ ସ୍ବାଧୀନ ପ୍ରାର୍ଥୀ ଭାବରେ ନାମାଙ୍କନ ପତ୍ର ଦାଖଲ କରିଛନ୍ତି ।

ନୂଆଦିଲ୍ଲୀ: ସମସ୍ତଙ୍କୁ ଭ୍ରମରେ ପକାଉଥିବା ଡୁପ୍ଲିକେଟ ମୋଦି ଭରିଛନ୍ତି ନାମାଙ୍କନ ପତ୍ର । ଅବିକଳ ପ୍ରଧାନମନ୍ତ୍ରୀ ମୋଦିଙ୍କ ଭଳି ଦେଖା ଯାଉଥିବା ଲକ୍ଷ୍ନୌର ଅଭିନନ୍ଦନ ପାଠକ ସ୍ବାଧୀନ ପ୍ରାର୍ଥୀ ଭାବରେ ନାମାଙ୍କନ ପତ୍ର ଦାଖଲ କରିଛନ୍ତି । ଏହାସହ ସେ ବାରଣାସୀରୁ ମଧ୍ୟ ଆଗାମୀ 26ରେ ନାମାଙ୍କନ ପତ୍ର ଦାଖଲ କରିବେ ବୋଲି କହିଛନ୍ତି ।

ଯଦି ମୁଁ ଜିତିବି ତେବେ ପ୍ରଧାନମନ୍ତ୍ରୀ ଭାବରେ ରାହୁଲ ଜୀଙ୍କୁ ସମର୍ଥନ କରିବି ବୋଲି କହିଛନ୍ତି ଅଭିନନ୍ଦନ ପାଠକ। ମୁଁ କୌଣସି ବୋକା ପ୍ରାର୍ଥୀ ନୁହେଁ । ଏହାସହ ମୁଁ କାହାକୁ ବିରୋଧ କରେନି ବୋଲି କହିଛନ୍ତି ଅଭିନନ୍ଦନ ପାଠକ ।