ଇଡିରେ ହାଜର ପୂର୍ବରୁ ଶରଦ ପାଓ୍ବାରଙ୍କ ଘରେ ପହଞ୍ଚିଲା ପୋଲିସ

ମୁମ୍ବାଇର ଯୁଗ୍ମ ପୋଲିସ କମିଶନର ବିନୟ ଚୌବେ ନେତୃତ୍ବରେ ଏକ ଟିମ ଏନସିପି ସୁପ୍ରିମୋ ଶରଦ ପାଓ୍ବାରଙ୍କ ଘରେ ସନ୍ଧାନୀ କୁକୁର ସହ ଯାଞ୍ଚ କରିଛି ।

ମୁମ୍ବାଇ: ସନ୍ଧାନୀ କୁକୁରଙ୍କ ସହ ଏକ ପୋଲିସ ଟିମ ରାଷ୍ଟ୍ରବାଦୀ କଂଗ୍ରେସ ପାର୍ଟି(ଏନସିପି) ମୁଖ୍ୟାଳୟରେ ପହଞ୍ଚିଛି । ମୁମ୍ବାଇ ଯୁଗ୍ମ ପୋଲିସ କମିଶନର ବିନୟ ଚୌବେ ନେତୃତ୍ବରେ ଏହି ଟିମ ଏନସିପି ମୁଖ୍ୟ ଶରଦ ପାଓ୍ବାରଙ୍କ ଘରେ ମଧ୍ୟ ପହଞ୍ଚିଛି ।

ଅନ୍ୟପକ୍ଷରେ ଇଡି ଅଫିସରେ ଶରଦ ପାଓ୍ବାରଙ୍କ ହାଜର ନେଇ ସ୍ଥାନୀୟ ଅଞ୍ଚଳରେ 144 ଧାରା ଜାରି ହୋଇଥିବା ମୁମ୍ବାଇ ପୋଲିସ ଜୋନ 1 ଡିସିପି ସଂଗ୍ରାମ ସିଂହ ଜଣାଇଛନ୍ତି । ବ୍ୟାଙ୍କ ଘୋଟାଲାରେ ଶରଦ ପାୱାରଙ୍କ ନାଁ ଆସିବା ପରେ ସେ ନିଜ ପକ୍ଷରୁ ଶୁକ୍ରବାର ଦିନ 2ଟାରେ ଇଡିରେ ହାଜର ହେବାକୁ ଯାଉଛନ୍ତି ।