ବେଙ୍ଗାଲୁରୁ: କର୍ଣ୍ଣାଟକର ରାଇଚୁରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ରାଇଚୁର ଅଞ୍ଚଳରେ ଥିବା ନାରାୟଣପୁର କେନାଲରେ ଏକ ମାଆ ନିଜ ତିନି ଶିଶୁପୁତ୍ରଙ୍କ ସହ କେନାଲକୁ ଡେଇଁ ଆତ୍ମହତ୍ୟା କରିଥିବା ଜଣାପଡିଛି । ତେବେ ଆତ୍ମହତ୍ୟାର କାରଣ ପାରିବାରିକ କଳହ ଓ ମାନସିକ ଚାପଗ୍ରସ୍ତ ବୋଲି ସନ୍ଦେହ କରାଯାଉଛି ।
ସୂଚନା ଅନୁସାରେ, ମହିଳା ଜଣକ ହେଲେ 28 ବର୍ଷୀୟା ନସିମା, 5 ବର୍ଷର ବଡ ପୁଅ ଅନିଫ୍, 3 ବର୍ଷର ଆୟାନ ଓ ଏକ ବର୍ଷର ରିଦାନ । ମୃତକଙ୍କ ଘର ସତାରା ତାଲୁକ ଅଞ୍ଚଳର । ଆତ୍ମହତ୍ୟା ପରେ ସମସ୍ତଙ୍କ ମୃତଦେହ ଦେବାଦୁର୍ଗା ତାଲୁକର କୋଟାଡୋଡି ଅଞ୍ଚଳରୁ ଉଦ୍ଧାର କରାଯାଇଛି ।
ତେବେ ଏନେଇ ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଥିବାବେଳେ ପାରିବାରିକ କଳହ ଓ ମାନସିକ ଅତ୍ୟାଚାର ଯୋଗୁଁ ଏହି ଅଘଟଣ ଘଟିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।
