ପାଟନା: ବିହାରର ରାଜଧାନୀ ପାଟନାରେ କେନ୍ଦ୍ର ସ୍ୱାସ୍ଥ୍ୟ ରାଷ୍ଟ୍ରମନ୍ତ୍ରୀ ଅଶ୍ବିନୀ ଚୌବେଙ୍କ ଉପରକୁ କାଳି ମାଡ। ଦାବି ପୂରଣ ପାଇଁ କେନ୍ଦ୍ରମନ୍ତ୍ରୀ ଉପରେ କାଳିମାଡ ହୋଇଥିବାର ଖବର ମିଳିଛି। ଏ ଘଟଣା ପରେ ମନ୍ତ୍ରୀଙ୍କ ଉପରକୁ କାଳି ଫୋପାଡି ଥିବା ଯୁବକ ଫେରାର ହୋଇଯାଇଛି। ସେ ପପୁ ଯାଦବଙ୍କ ସମର୍ଥକ ବୋଲି କୁହାଯାଉଛି।
ଭିଡିଓ ସୌଜନ୍ୟ: ଏଏନଆଇ
ଡେଙ୍ଗୁରେ ପୀଡିତ ରୋଗୀଙ୍କୁ ଭେଟିବା ପାଇଁ କେନ୍ଦ୍ର ସ୍ୱାସ୍ଥ୍ୟ ରାଷ୍ଟ୍ରମନ୍ତ୍ରୀ ଅଶ୍ବିନୀ ଚୌବେ ପାଟନା ମେଡିକାଲ କଲେଜ ଓ ହସ୍ପିଟାଲରେ ପହଞ୍ଚିଥିଲେ । ଓ୍ବାର୍ଡ ନୀରିକ୍ଷଣ କରି ଫେରୁଥିବା ବେଳେ, ସେଠାରେ ଉପସ୍ଥିତ ଥିବା ଜଣେ ଯୁବକ ଦାବି ପୂରଣ ନେଇ ମନ୍ତ୍ରୀଙ୍କ ଉପରେ କାଳି ମାଡ କରିଥିଲା। ଏହା ପରେ ଘଟଣାସ୍ଥଳରୁ ଫେରାର ହୋଇ ଯାଇଥିଲା କାଳି ମାଡ କରିଥିବା ଯୁବକ।
ତାକୁ ଧରିବା ପାଇଁ ପ୍ରୟାସ ଜାରି ରଖିଛି ପୋଲିସ। ଏ ଘଟଣା ପରେ ନିଜର ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ଚୌବେ। ଏହାକୁ ଲୋକ, ଲୋକତନ୍ତ୍ର ଓ ଲୋକତନ୍ତ୍ରର ସ୍ତମ୍ଭ ଉପରେ ଫୋପଡା ଯାଇଥିବା ସେ କହିଛନ୍ତି।
