ହାଇଦ୍ରାବାଦ: ରାସ୍ତାରେ ନାଲି ବ୍ୟାଗ ଧରି ବୁଲୁଛି ମୁଣ୍ଡ ନଥିବା ମଣିଷ। ଯିଏ ଦେଖୁଛି ଅତର୍କିତ ହୋଇ ଦୌଡି ପଳାଉଛି। ତେବେ ଲୋକଟି ଏଭଳି ମୁଣ୍ଡ ନଥିବା ଚାଲି ଚାଲି ରାସ୍ତା ଅତିକ୍ରମ କରିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ନାଲି ବ୍ୟାଗଧରି ବୁଲୁଛି ମୁଣ୍ଡ ନଥିବା ମଣିଷ, ଛାନିଆ ଲୋକେ
ତେବେ ବିଭିନ୍ନ ସମୟରେ ଏମିତି କିଛି ଭିଡିଓ ସୋସିଆଲ ମିଡିଆକୁ ଆସିଥାଏ। ହେଲେ ଏହି ଭିଡିଓଟିକୁ ଦେଖିଲେ ଆପଣଙ୍କ ପାଟିରେ ଆପେ ବାହାରି ଆସିବ ଓଃ...। ତେବେ ଭିଡିଓଟି କେଉଁ ସ୍ଥାନର ତାହା ସ୍ପଷ୍ଟ ହୋଇନାହିଁ। ହେଲେ ପ୍ରବଳ ଗହଳି ଥିବା ସହ ଟ୍ରାଫିକ୍ ରେ ସମସ୍ତେ ଅଟକି ଥିବା ବେଳେ ଏହି ବ୍ୟକ୍ତି ଜଣକ ଏକ ନାଲି ବ୍ୟାଗ ଧରି ରାସ୍ତା ପାର ହେଉଛନ୍ତି।
ଭିଡିଓଟିକୁ ଏକ ୟୁଟ୍ୟୁବ ଚ୍ୟାନେଲ ଫାର୍ବି ଆର୍ଡିକସନ ଦ୍ବାରା ସେୟାର ହୋଇଛି। ଏହାସହ ଫେସବୁକ୍, ଟିକଟକ,ଟ୍ବିଟରରେ ମଧ୍ୟ ଭିଡିଓଟି ଛାଇଯାଇଛି।
