ମୁମ୍ବାଇ: କୋରୋନା ପାଇଁ ଲକଡାଉନ ହେଇଛି ଭାରତ । ଏହି ସମୟରେ ସମଗ୍ର ଦେଶବାସୀ ନିଜକୁ ଘରେ ବନ୍ଦ କରି ରଖିଥିବାବେଳେ, କାର୍ଯ୍ୟରେ କିନ୍ତୁ ଯୋଗ ଦେଉଛନ୍ତି ପୋଲିସକର୍ମୀ ମାନେ । ସେମାନେ ଦିନ ରାତି ଡ୍ୟୁଟି କରି ଲୋକଙ୍କୁ ସଚେତନ କରାଉଛନ୍ତି । ଏହି ପରିପ୍ରେକ୍ଷିରେ କେତେକ ସୁରକ୍ଷାକର୍ମୀ ମଧ୍ୟ କୋରୋନା ଦ୍ବାରା ଆକ୍ରାନ୍ତ ହେଉଛନ୍ତି । ସେହିଭଳି ଜଣେ ମୁମ୍ବାଇର ସୁରକ୍ଷାକର୍ମୀଙ୍କ ଠାରେ କୋରୋନା ପଜିଟିଭ ଦେଖିବାକୁ ମିଳିଛି ।
ମୁମ୍ବାଇ ବିମାନବନ୍ଦରରେ ନିୟୋଜିତ ଥିବା ଜଣେ ହେଡ କନଷ୍ଟେବଳଙ୍କ ନିକଟରେ କୋରୋନା ପଜିଟିଭ ଦେଖାଦେଇଛି । ଶନିବାର ତାଙ୍କର କୋଭିଡ-19 ପଜିଟିଭ୍ ପରୀକ୍ଷା କରାଯାଇଛି। ସେ ଗତ କିଛି ଦିନ ହେବ ମୁମ୍ବାଇର ଏକ ଡାକ୍ତରଖାନାରେ ଚିକିତ୍ସିତ ହେଉଥିଲେ । ଏନେଇ ସୂଚନା ଦେଇଛନ୍ତି କେନ୍ଦ୍ରୀୟ ଶିଳ୍ପ ସୁରକ୍ଷା ବଳ ।
