ପାଟନା: ବିହାରରେ କୋରୋନା ଯୋଗୁଁ 383 ପଜିଟିଭ ବାହାରିଛି । ପରିସ୍ଥିତି ସାମାନ୍ୟ ନିୟନ୍ତ୍ରଣାଧୀନ ଥିଲେ ମଧ୍ୟ ବାହାର ରାଜ୍ୟରୁ ଫେରୁଥିବା ଶ୍ରମିକଙ୍କ ଯୋଗୁଁ ଏଥିରେ ସମସ୍ୟା ଦେଖାଦେଇଛି । ଏହାସହ ଅନେକ ଲୋକ ବାହାରୁ ଆସି ମଧ୍ୟ ସରକାରଙ୍କୁ ତଥ୍ୟ ଦେଇନଥିବା ସରକାର ଜାଣିବାକୁ ପାଇଛନ୍ତି ।
ତେବେ ପରିସ୍ଥିତିର ମୁକାବିଲା ପାଇଁ ସରକାର ମେ 1ରୁ ନୂଆ ନିୟମ ଆରମ୍ଭ କରିଛନ୍ତି । ଏହା ଅନୁସାରେ ଲୋକଙ୍କ ଘରକୁ ଘର ବୁଲି ସ୍ବାସ୍ଥ୍ୟ କର୍ମୀ ସ୍କ୍ରିନ ଟେଷ୍ଟ କରିବେ । ରାଜ୍ୟର ପ୍ରତି ଲୋକଙ୍କ ଘରେ ପହଞ୍ଚିବାକୁ ରାଜ୍ୟ ସରକାର ଡୋର ଟୁ ଡୋର ଡ୍ରାଇଭ କରିବେ ବୋଲି ବିହାର ସ୍ବାସ୍ଥ୍ୟମନ୍ତ୍ରୀ ମଙ୍ଗଲ ପାଣ୍ଡେ କହିଛନ୍ତି ।
ବିହାରର ସମସ୍ତ ଜିଲ୍ଲାରେ ଏହି ଡ୍ରାଇଭ ହେବ । ଏବେ ସୁଦ୍ଧା 7ଟି ଜିଲ୍ଲାରେ ଏହି କାର୍ଯ୍ୟକ୍ରମ ଶେଷ ହୋଇଛି । ତେବେ ସଂକ୍ରମଣ ରୋକିବା ଦୃଷ୍ଟିରୁ ବିହାର ସରକାର ସମସ୍ତ ଜିଲ୍ଲାରେ ଏପରି କାର୍ଯ୍ୟକ୍ରମ ଆୟୋଜନ କରିବେ ବୋଲି ନିଷ୍ପତ୍ତି ନେଇଛନ୍ତି । ପ୍ରତି ଘରର ସମସ୍ତ ଲୋକଙ୍କ ସ୍କ୍ରିନ ଟେଷ୍ଟ ହେବ । ସନ୍ଦିଗ୍ଘ ଲୋକଙ୍କ ନମୁନା ସଂଗ୍ରହ କରାଯିବ । ଏହାଦ୍ବାରା ଖୁବଶିଘ୍ର ସମସ୍ତ କୋରୋନା ଆକ୍ରାନ୍ତଙ୍କ ସମ୍ପର୍କରେ ସୂଚନା ମିଳିବ ବୋଲି ସରକାର ଆଶା ରଖିଛନ୍ତି ।
ସୌଜନ୍ୟ@ANI
