ଅଗ୍ରତାଲା: ତ୍ରିପୁରାର ସିପାହୀଜାଲା ଜିଲ୍ଲାରେ ବିଏସଏଫ ଜବାନ ଏକ ବିଶେଷ ଟିପ-ଅପ ଅପରେସନ ମାଧ୍ୟମରେ 889 କେଜି ଶୁଖିଲା ଗଞ୍ଜେଇ ଜବତ କରିଛନ୍ତି । ଯାହାର ଆନୁମାନିକ ମୂଲ୍ୟ 44 ଲକ୍ଷ 45 ହଜାର ହେବ ।
ଏସଡିଏଫଓ ସୋନମୁରା ଓ ଫରେଷ୍ଟ ପ୍ରୋଟେକ୍ସନ ୟୁନିଟ ସହ 74 ବାଟାଲିୟନର ବିଏସଏଫ ଜବାନ ମିଶି ଚଢାଉ କରିଥିଲେ । ଏଥିରେ 2 ହଜାର 250 କିଲୋଗ୍ରାମର 4 ହଜାର 500ଟି କଞ୍ଜା ଗଞ୍ଜେଇ ଗଛ ନଷ୍ଟ କରାଯାଇଛି । ଯାହାର ବଜାର ମୂଲ୍ୟ 1 କୋଟି 12 ଲକ୍ଷ 50 ହାଜର ହେବ ବୋଲି ଅନୁମାନ କରାଯାଉଛି ।
ଚଢାଉ ସମୟରେ ଗଞ୍ଜେଇ ବ୍ୟତୀତ 18ଟି ଡ୍ରମ ଓ 9 ବ୍ୟାଗ ସୁଖିଲା ସାମଗ୍ରୀ,7ଟି ମୋଟର ସାଇକେଲ ଜବତ ହୋଇଛି । ଏହି ଅପରେସନ ସମୟରେ ଗଞ୍ଜେଇ ଗଛ ନଷ୍ଟ କରିବା ସମୟରେ ଜବାନଙ୍କୁ ଗିଚାରେ କାମ କରୁଥିବା ଶ୍ରମିକ ମାନଙ୍କ ସାମ୍ନା କରିବାକୁ ପଡିଥିଲା । ଏହାପରେ ଜବାନଙ୍କ ପକ୍ଷରୁ ଫାଙ୍କା ଗୁଳିଚାଳନା କରାଯାଇଥିଲା ଫଳରେ ପରିସ୍ଥିତି ନିୟନ୍ତ୍ରଣକୁ ଆସିଥିଲା ।
