ହାଇଦ୍ରାବାଦ: ପ୍ରବଳ ବର୍ଷାରେ ହାଇଦ୍ରାବାଦରେ ସୃଷ୍ଟି ହୋଇଛି ବନ୍ୟା ପରିସ୍ଥିତି । ପ୍ରବଳ ବର୍ଷା ଫଳରେ ସୃଷ୍ଟି ହୋଇଥିବା ପ୍ରଖର ସ୍ରୋତରେ ଭାସିଯାଇ ଗୋଟିଏ ପରିବାରର 8 ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ଏବେ ମଧ୍ୟ ସହରର କିଛି ଅଞ୍ଚଳରେ ପାଣି ଭରି ରହିଥିବା ସୂଚନା ରହିଛି । ଏବେ ମଧ୍ୟ କିଛି ତଳିଆ ସ୍ଥାନରୁ ବର୍ଷା ଜଳ ନିସ୍କାସିତ ହୋଇପାରିନାହିଁ ।
ସେହିପରି ସହରର ତଳିଆ ଅଞ୍ଚଳରେ ବସବାସ କରୁଥିବା ଲୋକଙ୍କୁ ସୁରକ୍ଷିତ ଉଚ୍ଚ ସ୍ଥାନକୁ ଯିବା ପାଇଁ ପ୍ରଶାସନ ପକ୍ଷରୁ କୁହାଯାଇଛି । ହାଇଦ୍ରାବାଦର ପୋଲିସ କମିଶନର ଏହି ସବୁ ସ୍ଥାନ ଭ୍ରମଣ କରି ସ୍ଥିତି ପରଖୁଥିବା ଦେଖାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
