ଅମୃତସର: ବିଭିନ୍ନ ସଂସ୍ଥାର ଏଜେଣ୍ଟଙ୍କ କଥାରେ ଆସି ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ଆମେରିକା ଯାଇଥିବା 69 ଭାରତୀୟ ନିର୍ବାସିତ ହୋଇ ଅମୃତସରରେ ପହଞ୍ଚିଛନ୍ତି । ସମସ୍ତ ଭାରତୀୟ ବୁଧବାର ଶ୍ରୀ ଗୁରୁଦାସ ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ପହଞ୍ଚିଥିଲେ ।
ଆମେରିକାରୁ ଏକ ସ୍ବତନ୍ତ୍ର ବିମାନରେ ନିର୍ବାସନ ହୋଇ ଭାରତ ଆସିଥିବା ଏହି ଭାରତୀୟଙ୍କ ବେଶ ଉଦାସ ଥିବା ଦେଖିବାକୁ ମିଳିଛି । ଏମାନଙ୍କୁ ବିମାନ ବନ୍ଦରରୁ ଆଣିବାକୁ ଯାଇଥିବା ପରିବାର ଲୋକେ ମଧ୍ୟ ଚିନ୍ତାରେ ଥିଲେ ।
ବିମାନ ବନ୍ଦରରେ ପହଞ୍ଚିବା ପରେ ସମସ୍ତ ଭାରତୀୟଙ୍କ କୋରୋନା ପରୀକ୍ଷା କରାଯାଇଥିଲା । ତେବେ ଏମାନଙ୍କ ମଧ୍ୟରୁ ଜଣେ ପଜିଟିଭ ଥିବା ଜଣାପଡିଛି । ଗତ 3 ମାସ ମଧ୍ୟରେ ଆମେରିକାରୁ ଆସିଥିବା ଏହା ପଞ୍ଚମ ବିମାନ ।
