ହାଇଦ୍ରାବାଦ: କୋରୋନାକୁ ନେଇ ସ୍ଥିତି ବିଗୁଡି ଥିବା ବେଳେ ଏବେ ପ୍ରଶାସନ ତରଫରୁ ସ୍କୁଲ, କଲେଜ, ଜିମ୍ ସେଣ୍ଟର, ବାର ଆଦି ବନ୍ଦ କରି ଦିଆଯାଉଛି । ତେବେ ମାର୍ଚ୍ଚ 31 ପର୍ଯ୍ୟନ୍ତ ତେଲେଙ୍ଗାନା ସରକାରଙ୍କ ବନ୍ଦ ଆଦେଶକୁ ଉଲ୍ଲଂଘନ କରିଥିବାରୁ 66ଟି କୋଚିଂ ସେଣ୍ଟର, ସ୍କୁଲ, ଜିମ୍, ଏବଂ ବାର୍ ସିଲ୍ କରାଯାଇଛି।
ଦୈନିକ ଯାଞ୍ଚ ପାଇଁ 18 ଟି ସ୍ବତନ୍ତ୍ର ଟିମ୍ ଗଠନ କରାଯାଇଛି ବୋଲି କହିଛନ୍ତି ଗ୍ରେଟର ହାଇଦ୍ରାବାଦର ମେୟର ବୋନଥୁ ରାମମୋହନ । ତେବେ କୋରୋନା ଭାଇରସର ବିସ୍ତାରକୁ ରୋକିବା ପାଇଁ ଏଭଳି ପଦକ୍ଷେପ ନିଆଯାଇଥିବା ସେ କହିଛନ୍ତି । ଥର୍ମାଲ ସ୍କ୍ରିନିଂ ଉପକରଣ ବ୍ୟବହାର କରି ପରିଦର୍ଶକଙ୍କୁ ସ୍କ୍ରିନ କରିବା ଏବଂ ପରିସରକୁ ପରିଷ୍କାର କରିବା ପାଇଁ ମଲ୍, ହାଇପର ମାର୍କେଟ ଏବଂ ଅନ୍ୟାନ୍ୟ ବାଣିଜ୍ୟିକ ବଜାରକୁ ମଧ୍ୟ ନୋଟିସ୍ ଜାରି କରାଯାଇଛି ।
@ ANI
