ନୂଆଦିଲ୍ଲୀ: ଓପୋ ମୋବାଇଲ କମ୍ପାନୀର 6 କର୍ମଚାରୀ କୋରୋନା ଆକ୍ରାନ୍ତ । ଗ୍ରେଟର ନୋଏଡା ସ୍ଥିତ ଓପୋ କମ୍ପାନୀର 6 ଜଣ କର୍ମଚାରୀ କୋରୋନା ଆକ୍ରାନ୍ତ ଥିବା ଜଣାପଡିଛି । ଏହି ଖବର ଜଣାପଡିବା ପରେ କମ୍ପାନୀକୁ ବନ୍ଦ କରାଯାଇଛି ।
ଏପଟେ ନେଗେଟିଭ ରିପୋର୍ଟ ଆସିଥିବା କର୍ମଚାରୀମାନଙ୍କୁ ସମସ୍ତ ସୁରକ୍ଷା ପ୍ରୋଟୋକଲ୍ ଅନୁସରଣ କରି ଅଫିସ୍ ପୁନଃ ଆରମ୍ଭ କରିବାକୁ ଅନୁମତି ଦିଆଯାଇଛି । କର୍ମଚାରୀମାନଙ୍କୁ ସୁରକ୍ଷିତ ରଖିବା ସହ ଅଫିସ ପରିସରକୁ ସଫାସୁତୁରା ରଖିବାକୁ କଠୋର ପଦକ୍ଷେପ ନେଉଛୁ ବୋଲି ଓପୋ ଇଣ୍ଡିଆ କହିଛନ୍ତି ।
ଏକ ସଂଗଠନ ଭାବରେ ସମସ୍ତ କର୍ମଚାରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଆମେ ଗ୍ରେଟର ନୋଏଡାର ସମସ୍ତ ଉତ୍ପାଦନ କାର୍ଯ୍ୟକୁ ସ୍ଥଗିତ ରଖିଛୁ ଏବଂ 3000ରୁ ଉର୍ଦ୍ଧ୍ବ କର୍ମଚାରୀଙ୍କ କୋରୋନା ପରୀକ୍ଷା ଆରମ୍ଭ କରିଛୁ । ଯାହାର ଫଳାଫଳ ଆସିବା ଆପେକ୍ଷା ଥିବା କହିଛନ୍ତି ଓପୋ ଇଣ୍ଡିଆ ।
