ଚଣ୍ଡିଗଡ: ଶିଖ ଧର୍ମଗୁରୁ ଗୁରୁ ନାନକ ଦେବଜୀଙ୍କ 550 ଜମ ଜୟନ୍ତୀ ପର୍ବ । ଏହି ଅବସରରେ ଅତି ଧୁମଧାମରେ ଏହି ଉତ୍ସବ ପାଳନ କରାଯାଉଛି । ଏନେଇ ପଞ୍ଜାବର ସବୁଠୁ ମହତ୍ତ୍ବପୂର୍ଣ୍ଣ ସୁଲତାନପୁର ଲୋଧୀ ଷ୍ଟେସନର ନବୀକରଣ କରାଯାଇଛି । ଉତ୍ତର ରେଳ ଅଧୀନରେ ଥିବା ଷ୍ଟେସନରେ ଯାତ୍ରୀଙ୍କ ପାଇଁ ଅନେକ ସୁବିଧା କରାଯାଇଛି । ଦେଶ ବିଦେଶରୁ ଆସୁଥିବା ଶ୍ରଦ୍ଧାଳୁଙ୍କୁ ରେଳ ଷ୍ଟେସନ ଗୁରୁଜୀ ଚାର ଉଦାସୀ ସ୍ଥଳର ଭ୍ରମଣ କରାଇବ ।
ଏହି ବିଶେଷ କାମକୁ ନଜରରେ ରଖି ଷ୍ଟେସନକୁ କେବଳ 5 ମାସ ଭିତରେ ପ୍ରସ୍ତୁତ କରାଯାଇଛି । 2ଟି ପ୍ଲାଟଫର୍ମ, ଦୁଇଟି ଓଭରବ୍ରିଜ ନିର୍ମାଣ କରାଯାଇଛି । ଷ୍ଟେସନରେ ଯାତ୍ରୀଙ୍କ ସୁବିଧା ପାଇଁ 60ଟି ଅଧିକ ଶୌଚାଳୟ ନିର୍ମାଣ କରାଯାଇଛି । ଏହାସହିତ ଏଠାରେ 'ଏକ ଓଁକାର' ପ୍ରସ୍ତୁତ କରାଯାଉଛି । ଯାହା ସନ୍ଦେଶ ଦେବ ଯେ, ପରମାତ୍ମା ଏକ ବୋଲି ।
ସୂଚନାମୁତାବକ, ଏହି ଷ୍ଟେସନରୁ ଦେଶର ଭିନ୍ତ ଭିନ୍ନ ସ୍ଥାନକୁ 16 ଯୋଡା ସ୍ପେଶାଲ ଟ୍ରେନର ବ୍ୟବସ୍ଥା କରାଯାଇଛି । ରେଳ ବିଭାଗ ପକ୍ଷରୁ ଦାବି କରାଯାଇଛିଯେ, ଏଠାରେ ଶ୍ରଦ୍ଧାଳୁଙ୍କୁ କୌଣସି ପ୍ରକାର ଅସୁବିଧାର ସମ୍ମୁଖୀନ କରିବାକୁ ପଡିବନି ।
