ଶ୍ରୀନଗର: ଜମ୍ମୁକଶ୍ମୀରର ବଡଗାମ୍ରେ ସେନାକୁ ସଫଳତା । 5 ସନ୍ଦିଗ୍ଧ ଲସ୍କର ଏ ତୋଇବା ଆତଙ୍କୀ ଗିରଫ । ଅନେକ ସାମଗ୍ରୀ ଜବତ ।
ବଡଗାମ ପୋଲିସ ଓ ସେନାର ମିଳିତ ଅପରେସନରେ 5 ଜଣଙ୍କୁ ଗିରଫ କରାଯାଇଛି । ନରବାଲ ଅଞ୍ଚଳରେ ସର୍ଚ୍ଚ ଅପରେସନ ସମୟରେ ଏମାନଙ୍କୁ ଗରିଫ କରିଥିବା ସୂଚନା ମିଳିଛି । ଗିରଫ ହୋଇଥିବା ସନ୍ଦିଗ୍ଧ ଆତଙ୍କବାଦୀ ହେଲେ ଇମ୍ରାନ ରସିଦ, ଇଫ୍ସାନ ଅହମ୍ମଦ ଘାନି, ୱାଇସ ଅହମ୍ମଦ, ମୋହସିନ କ୍ବାଦିର ଓ ଅବିଦ୍ ରାଥର ।
ସେହିପରି ସେମାନଙ୍କ ଠାରୁ ଏକେ 47, ଗୋଟିଏ ମାଗାଜିନ୍ ଓ ଲସ୍କର ଏ ତୋଇବାର 20ଟି ପୋଷ୍ଟର ଜବତ ହୋଇଛି । ଏହି ଗ୍ରୁପ୍ ସ୍ଥାନୀୟ ଅଞ୍ଚଳରେ କିଛି ମାସ ହେବ ସକ୍ରିୟ ଥିବାବେଳେ ଆତଙ୍କବାଦୀ କାର୍ଯ୍ୟକଳାପକୁ ପ୍ରୋତ୍ସାହନ କରୁଥିବାବେଳେ ଉପା ଆଇନ ଅନୁସାରେ ସେମାନଙ୍କ ବିରୋଧରେ ମାମଲା ରୁଜୁ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
