ହାଇଦ୍ରାବାଦ: ତେଲେଙ୍ଗାନାରେ କ୍ରମାଗତ ଦ୍ବିତୀୟ ଦିନ କୋରୋନା ସଂକ୍ରମଣ ଓ ମୃତ୍ୟୁ ମାମଲାରେ ଦ୍ରୁତ ବୃଦ୍ଧି ଘଟିଛି । ଗୁରୁବାର ରାଜ୍ୟରେ କୋଭିଡ -19ରେ 5 ଜଣ ପ୍ରାଣ ହରାଇଛନ୍ତି । ଏହାସହ ରାଜ୍ୟରେ ମୋଟ ମୃତ୍ୟୁ ସଂଖ୍ୟା 45ରେ ପହଞ୍ଚିଛି । ସେହିପରି ରାଜ୍ୟରେ 38 ନୂତନ କୋରୋନା ରିପୋର୍ଟ ରେକର୍ଡ ହୋଇଛି । ତିନି ଦିନ ମଧ୍ୟରେ ରାଜ୍ୟରେ 11 ଜଣଙ୍କର ମୃତ୍ୟୁ ଘଟିଛି । ବୁଧବାର 2 ଓ ମଙ୍ଗଳବାର 4 ଜଣଙ୍କର ମୃତ୍ୟୁ ଘଟିଥିଲା ।
ତେଲେଙ୍ଗାନାରେ ଗୁରୁବାର 38 ନୂତନ କୋରୋନା ମାମଲାକୁ ମିଶାଇ ମୋଟ ସଂକ୍ରମଣ ରିପୋର୍ଟ 1699ରେ ପହଞ୍ଚିଛି । 38 ନୂତନ ମାମଲା ମଧ୍ୟରୁ 26ଟି ଗ୍ରେଟର ହାଇଦ୍ରାବାଦରୁ ଆସିଛି । ପଡୋଶୀ ରଙ୍ଗାରେଡ୍ଡୀ ଜିଲ୍ଲାରୁ 2ଟି ରିପୋର୍ଟ ହୋଇଛି । 10 ଜଣ ପ୍ରବାସୀଙ୍କ ଗୁରୁବାର କୋରୋନା ରିପୋର୍ଟ ପଜିଟିଭ ରହିଛି ।
ଜନସ୍ବାସ୍ଥ୍ୟ ଏବଂ ପରିବାର କଲ୍ୟାଣ ନିର୍ଦ୍ଦେଶକଙ୍କ ଅନୁଯାୟୀ 23 ଜଣଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି। ଏହା ସହିତ ଡିସଚାର୍ଜ ହୋଇଥିବା ଲୋକଙ୍କ ସଂଖ୍ୟା 1,036 କୁ ବୃଦ୍ଧି ପାଇଲା | ବର୍ତ୍ତମାନ ସକ୍ରିୟ ମାମଲା ସଂଖ୍ୟା 618ର ରହିଛି ।
@IANS
