ସିବନି: କାରକୁ ପିଟିଲା ଆଳୁ ବୋଝେଇ ଟ୍ରକ । ଏହି ମର୍ମନ୍ତୁଦ ଦୁର୍ଘଟଣାରେ 3 ମହିଳାଙ୍କ ସମେତ 5 ଜଣଙ୍କ ମୃତ୍ୟୁ ହୋଇଛି । ଏଥିସହ 2 ଜଣ ଗୁରୁତର ହୋଇଛନ୍ତି । ସୋମବାର ସକାଳୁ ମଧ୍ୟପ୍ରଦେଶର ସିବନି ଜିଲ୍ଲା ମୁଖ୍ୟାଳୟରୁ 40 କିମି ଦୂର ଏନଏଚ-7 ଚାରି ଥାକିଆ ରାଜପଥରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା ।
ଭିଡିଓ ସୌଜନ୍ୟ-ଇଟିଭି ଭାରତ
ସୂଚନା ଅନୁଯାୟୀ, ସୀମାଗଢର ଅନସାରୀ ପରିବାର ଏକ କାର୍ଯ୍ୟକ୍ରମରେ ସାମିଲ ହେବାକୁ ଜବଲପୁରକୁ ଯାଉଥିଲେ । ଏହି ସମୟରେ ଛପାରା ଥାନା ଅନ୍ତର୍ଗତ ଘୁନଇ ଘାଟିରେ ସିବନି ଆଡୁ ଆସୁଥିବା ଏକ ଆଳୁ ଭର୍ତ୍ତି ଟ୍ରକ କାରଟିକୁ ସାଇଡରୁ ପିଟି ନିୟନ୍ତ୍ରଣ ହରାଇ ରାସ୍ତାତଳକୁ ଖସିଥିଲା। ଏପଟେ କାରଟି ପୂରା ଚୁରମାର ହୋଇଯାଇଥିଲା ବେଳେ ଏଥିରେ ବସିଥିବା 7ଜଣଙ୍କ ମଧ୍ୟରୁ ଘଟଣାସ୍ଥଳରେ 4ଙ୍କ ମୃତ୍ୟୁ ହୋଇଥିଲା । ଅନ୍ୟଜଣେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଥିଲେ । ଘଟଣାସ୍ଥଳରୁ ଟ୍ରକ ଚାଳକ ଫେରାର ରହିଛି ।
ଏନେଇ ଖବର ପାଇ ସିବନି ଜିଲ୍ଲାର କଲେକ୍ଟର ପ୍ରବୀଣ ସିଂହ ଘଟଣାସ୍ଥଳରେ ପହଞ୍ଚିଛନ୍ତି ।
