କାରଗିଲ: ଭୂକମ୍ପ ଝଟକାରେ ଥରିଲା ଲଦାଖ । ଗୁରୁବାର ଲଦାଖରେ ଭୂକମ୍ପ ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା 4.5 ରେକର୍ଡ କରାଯାଇଛି । ଅପରାହ୍ନ 1ଟା 11 ମିନିଟ ସମୟରେ ଏହି ଭୂକମ୍ପ ଝଟକା ଅନୁଭୂତ ହୋଇଥିବା ଭୂକମ୍ପ ବିଭାଗ ପକ୍ଷରୁ ସୂଚନା ଦିଆଯାଇଛି ।
ତେବେ ଏହାର କେନ୍ଦ୍ରସ୍ଥଳ ଲଦାଖର କାରଗିଲ ଠାରୁ 119 କିମି ଉତ୍ତର-ପଶ୍ଚିମ ଦିଗରେ ଥିଲା ବୋଲି ଜଣାପଡିଛି । ତେବେ ମଧ୍ୟମ ତୀବ୍ରତାର ଭୂକମ୍ପ ଯୋଗୁଁ କୌଣସି କ୍ଷୟକ୍ଷତିର ସୂଚନା ମିଳିନାହିଁ ।
ସେପଟେ ଜମ୍ମୁ-କାଶ୍ମୀରରେ ମଧ୍ୟ ଗୁରୁବାର ଭୂକମ୍ପ ଅନୁଭୂତ ହୋଇଛି । ଜମ୍ମୁ-କାଶ୍ମୀରର କତ୍ରା ନିକଟରେ ଅପରାହ୍ନ 2ଟା 2 ସମୟରେ ଭୂମିକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା 3.6 ରୋକର୍ଡ କରାଯାଇଛି ।
ଏହାପୂର୍ବରୁ ଜୁଲାଇ 1 ତାରିଖରେ ଲଦାଖର ପଡୋଶୀ ପ୍ରଦେଶ ଜମ୍ମୁ-କାଶ୍ମୀରରେ 2 ଥର ଭୂକମ୍ପ ଝଟକା ଅନୁଭୁତ ହୋଇଥିଲା । ସେହିପରି ଜୁନ 26 ତାରିଖରେ ହରିୟାଣା ଏବଂ ଲଦାଖରେ ଭୂକମ୍ପ ଝଟକା ଅନୁଭୂତ ହୋଇଥିବା ଜଣାପଡିଥିଲା । ତେବେ ଦେଶବାସୀ ବର୍ତ୍ତମାନ କୋରୋନା ଭାଇରସ ସହ ଲଢୁଥିବା ବେଳେ ଅଧିକାଂଶ ସମୟରେ ହେଉଥିବା ଭୂମିକମ୍ପ ସେମାନଙ୍କୁ ଭୟଭୀତ କରୁଛି ।
