ନୂଆଦିଲ୍ଲୀ: ଦେଶରେ ଦିନକୁ ଦିନ ତଳକୁ ଖସୁଛି କୋରୋନା ସଂକ୍ରମଣ ମାମଲା । ଗତ କିଛି ଦିନ ହେବ ଏହି ସଂଖ୍ୟାରେ କ୍ରମାଗତ ହ୍ରାସ ପାଉଛି । ଦୈନିକ 40 ହଜାର ଉପରେ ସଂକ୍ରମଣ ସଂଖ୍ୟା ରିପୋର୍ଟ ହେଉଛି । ଗତ 24 ଘଣ୍ଟାରେ 41 ହଜାର 810 ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ 496 ଜଣଙ୍କ ମୃତ୍ୟୁ ହୋଇଛି । ଏନେଇ ସୂଚନା ଦେଇଛି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ।
ସଦ୍ୟତମ ରିପୋର୍ଟକୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା 93 ଲକ୍ଷ 92 ହଜାର 920କୁ ବୃଦ୍ଧି ପାଇଛି । ସେହିପରି, ମୃତ୍ୟୁ ସଂଖ୍ୟା 1 ଲକ୍ଷ 36 ହଜାର 696କୁ ଛୁଇଁଛି । ତେବେ, ଦେଶରେ 4 ଲକ୍ଷ 53 ହଜାର 956ଟି ସକ୍ରିୟ ମାମଲା ରହିଛି । ମୋଟ ସଂକ୍ରମିତଙ୍କ ମଧ୍ୟରୁ 88 ଲକ୍ଷ 2ହଜାର 267 ଜଣ ଆରୋଗ୍ୟ ହୋଇ ଘରକୁ ଫେରିଛନ୍ତି।
@ANI
