ନୂଆଦିଲ୍ଲୀ: ମୌଜପୁର ହିଂସା ଘଟଣାରେ 4 ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ଜଣେ ଦିଲ୍ଲୀ ପୋଲିସର କନେଷ୍ଟବଳ ଏବଂ ଅନ୍ୟ ତିନି ଜଣ ସାଧାରଣ ନାଗରିକ ରହିଛନ୍ତି । ସେହିପରି ଡିସିପିଙ୍କ ସମେତ ମୋଟ 10ଜଣ ପୋଲିସ ଅଧିକାରୀ ଏହି ହିଂସାରେ ଆହତ ହୋଇଛନ୍ତି ।
ଆହତଙ୍କୁ ସ୍ଥାନୀୟ ଗୁରୁ ତେଗବାହାଦୂର ହସ୍ପିଟାଲରେ ଭର୍ତ୍ତି କରାଯାଇଛି । ଉତ୍ତର ପୂର୍ବ ଦିଲ୍ଲୀର ମୌଜପୁର ଓ ଗୋକୁଲପୁରୀ ଅଞ୍ଚଳରେ ସିଏଏ ଆନ୍ଦୋଳନ ବେଳେ ଦୁଇ ଗୋଷ୍ଠୀ ହୋଇଥିଲେ ମୁହାଁମୁହିଁ ।
ଆଜି ସକାଳ 11 ଟାରେ ଆନ୍ଦୋଳନକାରୀ ହିଂସା ଆରମ୍ଭ କରିଥିଲେ । ସ୍ଥିତି ଅଣାୟତ ହେବା ପରେ ପୋଲିସ ମୁତୟନ କରାଯାଇ ଏହାକୁ ଆୟତ୍ତକୁ ଅଣାଯାଇଛି । ବର୍ତ୍ତମାନ ଏହି ହିଂସାକାଣ୍ଡରେ ଖୁଲମଖୁଲା ଗୁଳିମାଡ କରିଥିବା ଅଭିଯୁକ୍ତ ମଧ୍ୟ ପୋଲିସ ହାତରେ ଧରାପଡିଛି । ଯୁବକର ନାମ ଶାହାରୁଖ ବୋଲି ଜଣାପଡିଛି ।
@ANI
