ଚଣ୍ଡିଗଡ: ପଞ୍ଜାବ ସଙ୍ଗରୁର ଜିଲ୍ଲାରେ ବଡ ଧରଣର ଦୁର୍ଘଟଣା । ସଙ୍ଗରୁର ଜିଲ୍ଲାର ଲୋଙ୍ଗୋଓ୍ବାଲ ସହରର ଏକ ସ୍କୁଲ ବସରେ ଅଗ୍ନିକାଣ୍ଡ ଘଟିଛି । ବସରେ ନିଆଁ ଲାଗିବା ଫଳରେ 4 ଜଣ ଛାତ୍ରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଅନ୍ୟପକ୍ଷେ ଏହି ଘଟଣାରେ 6 ଜଣ ଛାତ୍ର ଆହତ ହୋଇଛନ୍ତି ।
ସ୍କୁଲ ବସରେ ଅଗ୍ନିକାଣ୍ଡ, 4 ଛାତ୍ର ମୃତ
ଅଗ୍ନିକାଣ୍ଡ ଘଟିଥିବା ବସଟି ଛାତ୍ରଛାତ୍ରୀଙ୍କୁ ନେଇ ଲୋଙ୍ଗଓ୍ବାଲର ସିମରନ ପବ୍ଲିକ ସ୍କୁଲକୁ ଯାଉଥିଲା । ତେବେ କେଉଁ କାରଣରୁ ବସରେ ଅଗ୍ନିକାଣ୍ଡ ଘଟିଛି ତାହା ଏଯାଏଁ ସ୍ପଷ୍ଟ ହୋଇନାହିଁ । ବସରେ 12 ଜଣ ଛାତ୍ରଛାତ୍ରୀ ଥିଲେ । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
