ପ୍ରାକୃତିକ ବିପର୍ଯ୍ୟୟରେ ଲିଭିଗଲା 35 ଜୀବନ ଦୀପ

ଉତ୍ତରପ୍ରଦେଶ ରାଜ୍ୟର ବିଭିନ୍ନ ସ୍ଥାନରେ ଘଡିଘଡି ସହ ପ୍ରବଳ ବର୍ଷା ହେବା କାରଣରୁ ରବିବାର ସୁଦ୍ଧା 35ଜଣଙ୍କ ମୃତ୍ୟୁ ହୋଇଛି ।

ଲକ୍ଷ୍ନୌ: ୟୁପିରେ ଝଡବର୍ଷା ନେଲାଣି 35 ଜୀବନ । ରାଜ୍ୟର ବିଭିନ୍ନ ସ୍ଥାନରେ 18 ତାରିଖରୁ 21 ତାରିଖ ଯାଏଁ ଘଡଘଡି ସହ ପ୍ରବଳ ବର୍ଷା ଯୋଗୁଁ 35ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।

ଫଟୋ ସୌଜନ୍ୟ: ସୋସିଆଲ ମିଡିଆ@ANINewsUP

ତେବେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକଙ୍କ ପରିଜନଙ୍କୁ ସମବେଦନା ଜଣାଇବା ସହ କ୍ଷତିପୂରଣ ରାଶି ଘୋଷଣା କରିଛନ୍ତି । ପ୍ରତି ମୃତକଙ୍କ ପରିବାରବର୍ଗଙ୍କୁ 4ଲକ୍ଷ କ୍ଷତିପୂରଣ ରାଶି ପ୍ରଦାନ ନିମନ୍ତେ ଜିଲ୍ଲାଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।

ଏଥିସହ ଆହତ ମାନଙ୍କ ଚିକିତ୍ସା ନିମନ୍ତେ ଉପଯୁକ୍ତ ଚିକିତ୍ସା ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି ଆଦିତ୍ୟନାଥ।