ଲଣ୍ଡନ: ବନ୍ଦେ ଭାରତ ମିଶନ ଅଧୀନରେ ଦ୍ବିତୀୟ ପର୍ଯ୍ୟାୟ ପ୍ରତ୍ୟାବର୍ତ୍ତନ ଆରମ୍ଭ ହୋଇଛି । ଏଥିରେ ବିଦେଶରେ 40ଟି ଦେଶରୁ 149ଟି ବିମାନରେ ଫେରିବେ ଫସିଥିବା ଭାରତୀୟ । ମେ 16ରୁ ଏହି ଅଭିଯାନର ଦ୍ବିତୀୟ ପର୍ଯ୍ୟାୟ ଆରମ୍ଭ ହୋଇଛି ।
ଏହି ଅବସରରେ ମଙ୍ଗଳବାର ଲଣ୍ଡନରୁ ଏକ ବିମାନରେ 333 ଭାରତୀୟ କୋଚି ଅଭିମୁଖେ ବାହାରିଥିବା ଜଣାପଡିଛି । ଏନେଇ ଲଣ୍ଡନରେ ଥିବା ଭାରତୀୟ ଦୂତାବାସ ସୂଚନା ଦେଇଛି । କୋଚିରେ ପହଞ୍ଚିବା ପରେ ଏହା ବିଜୟୱାଡା ଅଭିମୁଖେ ଯାତ୍ରା କରିବ । ମଙ୍ଗଳବାର ସକାଳେ ଆବୁଧାବିରୁ ବିଶାଖାପଟନମ ଅଭିମୁଖେ ଏକ ବିମାନ ଆସିସାରିଛି ।
ସେହିପରି ଏବେ ସୁ୍ଦ୍ଧା 8ଟି ଏୟାର ଇଣ୍ଡିଆ ବିମାନରେ 2288 ଭାରତୀୟ ୟୁକେରୁ ଫେରିଥିବା ସୂଚନା ରହିଛି । ମେ ପ୍ରଥମ ସପ୍ତାହରେ ମିଶନର ପ୍ରଥମ ପର୍ଯ୍ୟାୟ ଶେଷ ହୋଇଛି । ଏବେ ଦ୍ବିତୀୟ ପର୍ଯ୍ୟାୟ ଚାଲିଥିବାବେଳେ ଏଥିରେ କେତେକ ନୂଆ ଦେଶଙ୍କୁ ସାମିଲ କରାଯାଇଥିବା ସୂଚନା ରହିଛି । ଏହା ସ୍ବାଧୀନତା ପରେ ବିଦେଶରୁ ଭାରତୀୟଙ୍କ ସବୁଠୁ ବଡ ପ୍ରତ୍ୟାବର୍ତ୍ତନ ।
