ମଦୁରାଇ: ସରକାରଙ୍କ କଡା ତାଗିଦ ସତ୍ତ୍ବେ ଅମାନିଆ ଲୋକେ । ମାନୁନାହାନ୍ତି ଲକଡାଉନ କଟକଣା । ପ୍ରତିଦିନ ହଜାର ହଜାର ଲୋକଙ୍କ ନାମରେ ମାମଲା ରୁଜୁ ହେଉଛି । ବିନା କାରଣରେ ଘରୁ ବାହାରିବା ଯେପରି ଲୋକଙ୍କ ଅଭ୍ୟାସ ପାଲଟିଗଲାଣି ।
ତାମିଲନାଡୁ ମଦୁରାଇରେ ପୋଲିସ ଏପର୍ଯ୍ୟନ୍ତ ମୋଟ 3000ଟି ମାମଲା ରୁଜୁ କରିଛି । କୋରୋନା ଭାଇରସ ଯୋଗୁଁ ଜାରି ଲକଡାଉନ ଉଲ୍ଲଙ୍ଘନ ଯୋଗୁଁ ଏପରି ମାମଲା ରୁଜୁ ହୋଇଛି । ଏହି ସମସ୍ତ ଲୋକଙ୍କ ନାମରେ ମାମଲା ସହ ପୋଲିସ ଗାଡି ମଧ୍ୟ ଜବତ କରିଛି ବୋଲି ମଦୁରାଇ କଲେକ୍ଟର ଟିଜି ବିନୟ କହିଛନ୍ତି ।
ଏହାସହ ଏପ୍ରିଲ 12ରେ ଏକ ଷଣ୍ଢର ଶେଷକୃତ୍ୟରେ ଯୋଗ ଦେଇଥିବା ଲୋକଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ନିଆଯାଇଛି । ଏକ ଗାଁରେ ଲୋକେ କଟକଣା ସତ୍ତ୍ବେ ଷଣ୍ଢର ଅନ୍ତିମ ସଂସ୍କାର କାର୍ଯ୍ୟକ୍ରମ ଆୟୋଜନ କରିଥିଲେ । ଏଥିରେ ଅନେକ ଲୋକ ଯୋଗ ଦେଇଥିଲେ । ଏମାନଙ୍କ ବିରୋଧରେ ମାମଲା ରୁଜୁ କରାଯାଇଥିବା ଜିଲ୍ଲାପାଳ କହିଛନ୍ତି ।
ସୌଜନ୍ୟ@ANI
